【香港地】嚴重弱聽廚師 拍片教煮家常菜

聽力唔好？阿容話，絕不影響佢鑽研廚藝，因為煮嘢食，係用個心！

細個發高燒，令阿容右耳失去聽力，左耳嚴重弱聽。自小習慣自己照顧自己，長大後負責照顧家人起居，令佢對「食」有種執着！佢曾經在西餐廳、日本餐廳任廚師，亦曾開設泰國餐廳。因為聽唔到，在廚房學師，就要更留心，用雙眼觀察。

近年佢在非牟利機構WeTV協助下，開設影片頻道「容易煮」，化身YouTuber拍片教煮家常菜，尤其為上班族設想，教煮快、靚、正菜式；亦會有外景拍攝，分享買餸貼士。訪問當日，佢示範一道「老少平安」，二十分鐘完成！阿容話，能夠將自己喜歡的美食與人分享，已經係最大得着，佢希望日後接觸更多不同國家的飲食文化，感染更多觀眾嘗試下廚！