【香港放遊】吊鐘花又稱「新年花」，因為佢只會喺每年1月下旬至2月中旬盛開，花期超短啊！當中唔少賞吊鐘花的路線都好遠，通常仲係啲超攞命嘅山，真叫人卻步呀！而今次介紹嘅賞花路線就喺市區，只需2個鐘就行完，絕對簡單輕鬆，適合一家大細一齊行。發掘到條咁正嘅路線，唔知今年嘅吊鐘花又開成點呢？

【info】
十二笏路線
所需時間：2小時左右
路線：慈雲山（北）巴士總站至沙田新田圍
前往起點方法：由黃大仙港鐵站E出口，附近轉乘37A小巴直達巴士總站，路線起點於巴士站內後方樓梯，向前往「觀音佛堂」方向走。
備註：路線途中有多個分岔口，留意要辨清方向。