【香港地】喺屋企天台發現飛蛾新物種？！

Stanley係南丫島居民，熱愛大自然，廿幾年前已經開始自發為香港進行生態紀錄，用菲林相機影相，再用紙筆作文字描述。幾年前佢發現，每到夜晚，屋企天台就吸引好多飛蛾停留，於是開始影相，咁就記錄咗350種飛蛾。其中一種經鑑定後，仲係世界螟蛾新物種！Stanley今年退休，就決定出本飛蛾圖鑑，希望啟發更多人關注香港飛蛾。佢又提議，而家人人一機在手，無論咩年紀，都可以由自己嘅興趣開始，參與生態記錄。平時去到郊野，影低相，上載至生態網站iNaturalist，就會有國際專家幫忙辨認 ，同時豐富香港物種紀錄。但記緊進行生態攝影時，千祈唔好干擾自然環境同影響物種。香港生態，仍然等待大家好好發掘！