【香港地】6年路牌記錄成果 ─ 監獄體現正眾籌中！

大家平時有冇留意路牌字型？有冇曾經以為上面有錯字？原來喺八、九十年代由在囚人士人手製作嘅路牌字，好多沿用了舊式寫法，風格獨特，已經買少見少！「道路研究社」社長Gary決定身體力行，行出街影低全港600塊路牌，並於2016年正式發起「監獄體再現計劃」，將監獄體重製為電腦字體。今年Gary已經成功造好8,000字，足以應付日常需要，於是發起眾籌計劃，希望將監獄體正式推出！直至現時為止，眾籌已成功達標100%，不過仍然需要大家嘅支持！Gary希望利用籌到嘅資金，將字庫擴充至13,000字，以及繼續開發Light幼體版，比起現有嘅Medium版，Light版更適用於內文排版，令用途更廣泛！