【#Mall王出巡】要幸福喔！芬蘭北極光 聖誕節荃灣綻放

聖誕節普天同慶，如果可以將幸福定格永遠keep住就好喇！傳說話能夠遇到北極光嘅人將會幸福一輩子，荃灣如心廣場即日起呈獻「Finland Wonderland」主題節日活動，限定芬蘭傳統市集直送當地多款熱賣商品之餘，場內7.5米高嘅巨型聖誕屋更全天候發放夢幻奪目嘅北極光，就算仲未去到芬蘭，都可以隨時同另一半嚟把握幸福！門外仲有馴鹿雪橇同聖誕老人專屬郵筒打卡位，加上露天廣場嘅心形許願長廊，既可以同聖誕老人許願，又可以換領心意卡寫低「愛的宣言」，好幸福呀！依家更有機會拎走櫸木旅行杯同聖誕旋轉燭台，立即去片睇詳情啦！

#如心廣場 #荃灣好去處 #FinlandWonderland #聖誕活動 #芬蘭北極光 #心形許願長廊 #聖誕老人 #NINACLUB