【香港地】香港第一隻誕生於社區嘅啤酒 味道、酒名皆民選！
【香港地】香港第一隻誕生於社區嘅啤酒
味道、酒名皆民選！
聽到青島，你會諗起青島啤酒；聽到青衣，你會諗起啲咩？原來青衣都有間啤酒廠 H.K. Lovecraft，最近仲出咗隻島民一齊共創嘅啤酒——「春花落」。呢個其實就係青衣嘅古名，喺舊地圖上會見到。而家喺青衣細山上會見到有舊大石寫上「春花落」，仲有人提字「春花一落不回頭 前行路途崎嶇」。
一般酒廠都會自己設計酒款，但呢個社區啤酒計劃就好唔同，由構思啤酒味道、酒名、包裝等，成個過程都搵嚟地區組織「青衣島民」一齊參與，花咗四個月透過網上徵收街坊嘅故事、一齊諗酒名，又喺街站叫島民投票，最後決定用「春花落」為酒名，並且以果香味為主，呼應青衣曾經盛產菠蘿同荔枝嘅歷史。好多街坊即刻搶購！
構思呢個計劃嘅 H.K. Lovecraft 釀酒師阿達就話，好多香港人，甚至青衣人都對青衣唔熟悉，所以希望創造一個產品可以代表到青衣：「希望將青衣人嘅力量推廣出去，亦將香港人嘅力量推廣去全世界，希望有朝一日世界會知道香港有個地方叫青衣，而呢個島嘅啤酒係好出名好出名嘅。」
【info】H.K. Lovecraft
影片主頁 >
香港地
【香港地】香港第一隻誕生於社區嘅啤酒 味道、酒名皆民選！
【香港地】香港第一隻誕生於社區嘅啤酒
味道、酒名皆民選！
聽到青島，你會諗起青島啤酒；聽到青衣，你會諗起啲咩？原來青衣都有間啤酒廠 H.K. Lovecraft，最近仲出咗隻島民一齊共創嘅啤酒——「春花落」。呢個其實就係青衣嘅古名，喺舊地圖上會見到。而家喺青衣細山上會見到有舊大石寫上「春花落」，仲有人提字「春花一落不回頭 前行路途崎嶇」。
一般酒廠都會自己設計酒款，但呢個社區啤酒計劃就好唔同，由構思啤酒味道、酒名、包裝等，成個過程都搵嚟地區組織「青衣島民」一齊參與，花咗四個月透過網上徵收街坊嘅故事、一齊諗酒名，又喺街站叫島民投票，最後決定用「春花落」為酒名，並且以果香味為主，呼應青衣曾經盛產菠蘿同荔枝嘅歷史。好多街坊即刻搶購！
構思呢個計劃嘅 H.K. Lovecraft 釀酒師阿達就話，好多香港人，甚至青衣人都對青衣唔熟悉，所以希望創造一個產品可以代表到青衣：「希望將青衣人嘅力量推廣出去，亦將香港人嘅力量推廣去全世界，希望有朝一日世界會知道香港有個地方叫青衣，而呢個島嘅啤酒係好出名好出名嘅。」
【info】H.K. Lovecraft
