二人世界 居酒屋之旅 🥢

早二日難得可以二人世界😎我哋晚餐去咗一間高質居酒屋🏮月爐•端燒 @tsuki_robatayaki 🌕 店內環境舒服好日式,1樓係吧枱而2樓喺榻榻米位置💕座位亦都好寬敞,我哋今次選擇咗上2樓✨ 而食物方面我哋叫咗: 🌕火炙壽司五味🍣挪威三文魚壽司五味🍣 壽司大大件,而且好新鮮👍🏻每一件都好好食😋火炙壽司上有甜甜嘅醬汁,提升咗壽司嘅味道,而三文魚壽司五味每一款都各有特色💕 🌕串燒🍢(雞肝､雞心､雞腎､雞腿肉串 豚肉荔枝卷串､燒青椒仔､牛油燒粟米) 選擇太多睇到我哋花多眼亂😊 串燒全部都係即叫即燒,燒得啱啱好,醬汁甜甜地亦有焦香味,而內臟類嘅亦都唔會有腥味,處理得好好👍🏻如果同一班好朋友一邊飲返杯一邊食串燒又係另一種風味 🌕廚師發板:馬友一夜干🐟 我哋第一次食一夜干😆肉質鮮美,亦有少少鹹香,完全保留到馬友嘅鮮味,而且燒到個皮脆卜卜添｡店家另外附上柚子醬汁,都好夾亦可減低油膩感 🌕汁燒魷魚筒🦑 魷魚筒好大隻,燒啱啱好,口感彈牙爽口,而且同燒汁好夾,好味 🌕三文魚燒飯團🍙 飯團燒到脆卜卜,整個飯團都裹滿醬油,燒到金黃色,有焦香配埋三文魚真係好滿足😌 甜品:黑糖味和果子&蕨餅 🍑原熟水蜜桃汽水/🍈靜岡蜜瓜汽水