喺韓國有貴族炸雞美譽之稱嘅Puradak Chicken嚟到香港啦🍗 「先焗後炸」嘅方法令炸雞減少油膩感之餘，更能將炸雞肉汁鎖汁，做到外脆內嫩👍🏻 今次我就揀咗冇骨雞，因為我鐘意食啖啖肉🤣口味方面就揀咗青陽辣椒MAYO炸雞同埋CORN-SO AMAZING炸雞，兩款都係韓國人氣之選嚟㗎🥳 🍗 青陽辣椒MAYO炸雞 青陽辣椒係韓國培育嘅一種辣椒🫑比一般韓國其他辣椒更辣，但當佢遇上蛋黃醬，剛好平衡咗當中嘅辣度😚令到入口時保留青陽辣椒獨特 嘅辣味，亦有食到蛋黃醬原有嘅甜味😙絕對令人一試難忘嘅炸雞🤤 🍗 CORN-SO AMAZING炸雞 炸雞上鋪滿 Puradak 粟米濃湯調味粉🌽 某程度我覺得有啲似韓國芝士粉味，但佢多咗一份粟米嘅香味❤️ 令到我每一啖食落口都係濃濃嘅粟米湯味🌽而最特別嘅地方係，真係會有一嚿嚿嘅粟米🤣係食炸雞之餘，仲可以食返嚿粟米中和返添❤️ 另外仲有小食～ 💫黑芝芝波 真心推🤤外面用咗黑芝麻皮包住滿滿嘅芝士🧀咬落口外脆內軟，口感Q彈👍🏻必食之選 💫 芝士大棒 芝士棒入面係有兩種芝士，而且係滿滿嘅芝士🤤 趁熱食仲可以做到拉絲效果添❤️芝士控絕不能錯過！ 💫墨黑墨魚圈 炸得好香口，咬落香脆，唔錯👍🏻 📍Puradak Chicken 將軍澳將軍澳唐德街9號將軍澳中心1樓167-169號鋪 #社群生日快樂