長沙灣廣場三樓開左一系列新餐廳
荔枝角番工既我表示好高興🤭
Lunch Time又多個選擇
有間粉紅色既Cafe主打健康輕食
餐廳仲有列出哂卡路里營養等資料
有椰菜花飯 蒟蒻麵 羅漢果糖甜品
仲有可以自選食材既沙律BOWL
Lunch Set可以跟湯/沙律
香煎海鮮伴黑松露菌茸蒟蒻麵 $138
呢度既蒟蒻麵唔會有陣臭味
質地又唔似平時咁硬身 又健康又好食🤤
比目魚柳煎到好香脆
南意式燴牛肉配茄茸扁意粉 $98
燴牛肋肉好腍 個汁唔會太重口味
煙肉白菌卡邦尼扁意粉 $88
呢個偏淡味 不過就一定無平時果啲咁肥膩🤭
同埋又可以滿足到食卡邦尼既慾望
飲品跟餐就有半價
佢地既熱飲 拉花真係好靚 真係唔捨得飲🫶🏻
蛋糕每日都有唔同款式🤤 跟餐+$30
Keto抹茶烤芝士蛋糕
質地比一般cheese cake鬆軟 仲好夠茶味
忍唔住食哂成舊都唔怕肥🫢
焦糖酥粒芝士蛋糕
蛋糕面有焦糖粒粒 增加左蛋糕口感
芝士味香濃 食落順滑 亦唔會太甜