朗庭酒店食出新感覺

超級海鮮聯盟自助餐：龍蝦/生蠔/蟹腳任攞任食 好多網友問我點解最近無推介食評，因為真係諗唔到有什麼好食推介⋯⋯ 🤷‍♂️ 不過，最後都比我搵到。👏👏🕵️ 生日有密友請食飯（當然係屈機！）。聽聞尖沙咀朗廷酒店 The Food Gallery 今期熱評，當然帶埋朋友一齊試食。 朗庭酒店喺尖沙咀北京道。如果喺尖沙咀食 buffet 呢間一定唔係首選，不過今次“真”有驚喜。 > 疫情下酒店自助餐的衛生措施都做得很好。 ☑️ 酒店格調有少少老派。The Food Gallery 地方唔大，反而可以密集式攞食物，啱我。😋😋 ☑️ 服務尚可。自助餐唔太需要人服侍，基本有禮貌、有清枱就 okay，The Food Gallery 絕對做到。👌👏 ☑️ 8款主打海鮮俱全。波士頓龍蝦、新西蘭生蠔、蜆肉、魚生、翡翠螺、青口、小龍蝦、刺身。新西蘭生蠔新鮮肉細，咬落去有少少海水味，非常鮮味。你都知 raw food 味道唔強，不過龍蝦🦞 和蟹腳海水味夠，絕對係回本食物。值得留意當中有翡翠螺、藍青口和小龍蝦都比較少見。 > 生蠔味道新鮮度水準之上。小龍蝦🦞都係麻辣煮好食啲 > 今次蟹腳反而少食。 > 應該係紐西蘭綠青口，肉細比較鮮甜多汁, 味道濃郁。 ☑️ 國際美食包羅萬有。慢煮鴨胸配橘子汁鴨肉非常鬆軟，豬手諗住試吓，又比想像中好食。某些食物製作需時，例如煎鵝肝同清蒸扇貝，好在枱面有號碼牌，交比職員，食物煮熟先比你，唔使浪費時間“乾等”。中菜煮食位好近，睇到師父煮嘢鑊氣，食慾大增。特別推介即燒乳豬（乳豬都推介？因為好耐無去飲🤦‍♂️），好脆。北京片皮鴨肉太厚，個人覺得既然係食，簿肉更容易食出風味。唯一真心唔係太好食嘅，可能係新加坡喇沙麵，似咖哩湯多過似喇沙。 > 過往好少食熟食，但為咗做 Agent L，試吓。花枝絕對得，無諗過會食到豬手，好中式味。鱸魚幾好食，好滑，有翻食。 > 唯一唔覺得好食的喇沙麵和北京填鴨。 > 唔會浪費食量限額，所以無試過印度食物 > 鵝肝...... 比較乾，唔夠 juciy，應該旺角朗豪酒店好食啲 ➖甜品：如果係甜品控可能會有啲失望。雖然甜品幾好食，但係種類唔多，食完無“想再食”的感覺。 > 甜品...... 睇得到是一般種類，不過檸檬餅幾好食 > 雖然幾好食，但種類唔多。有雪糕，但唔影啦 > 定時發放“心太軟“，新鮮熱辣先會最好食 小結 The Food Gallery 自助餐食材新鮮，味道平均以上。雖然裝修有啲舊，但亦反映酒店歷史。最緊要地方唔大，唔想大多人搶食又或者慢慢“享受”自助餐嘅話，朗廷酒店都係 Top List。尖沙咀食自助餐唔好次次同一間，性價比來說朗庭酒店🏨 雖然不是首選，但絕對食咗冇遺憾。心目中首選？下期分曉。 #尋找你的旅行背包 #自助餐 #香港朗廷酒店 #香港美食推介 #尋找你的旅行背包 #尋找你的旅行背包本地遊篇 (此文章由U Blog 同步發佈至社群)