2025/01/04

【尖沙咀｜具本地特色嘅港式串燒店】

今日去咗尖沙咀一間叫｢喜膳燒｣餐廳食晚餐,餐廳位於尖沙咀寶勒巷,地理位置非常方便,採用開放式廚房嘅設計,可以睇到師傅喺廚房入面燒烤,座位屬於高凳嘅設計,具有港式串燒店嘅特色｡而且餐廳每日都有唔同嘅推廣優惠,例如指定串燒半價､生啤買一送一､每人贈送生蠔一隻､每台贈送燒菠蘿等等,大家可以留意餐牌嘅推廣內容｡ 🍊蒜蓉燒廣島生蠔燒廣島蠔有三隻,每隻嘅尺寸都好大,上面有一層厚厚嘅蒜蓉,燒得非常香脆可口,廣島蠔食落去非常飽滿,充滿鮮味 🍊蒜蓉燒珍寶大扇貝珍寶大扇貝嘅尺寸好大,上面有一層吸滿鮮味同精華嘅粉絲,配搭豉油､香蔥同蒜蓉一齊燒,肉質仍然保持到好鮮嫩多汁 🍊海鹽燒牛肩胛､海鹽燒王牌牛舌､日本霜降和牛串牛肩胛幼嫩多汁,海鹽可以提交提升肉味;牛舌係偏中式煮法嘅牛脷,非常厚身;和牛串嘅肉質充滿油脂感 🍊 BBQ燒豬頸肉､十三香燒豬仔髀豬頸肉配上BBQ醬好惹味,口感肥美;燒豬仔髀肉質非常嫩滑,咬落去充滿肉汁,配埋惹味嘅香料去醃 🍊沙嗲燒雞肉串､鹽燒手切雞腎串､沙嗲燒雞全翼雞肉串嘅份量好多,沙嗲味非常濃郁惹味,味道就好似泰式串燒咁濃味;雞腎串口感爽口彈牙,配上鹽燒嘅味道好夾;平時好少機會食到雞全翼,呢度用BBQ醬燒原隻雞全翼,入面嘅雞肉鮮嫩有肉汁 🍊蒜蓉燒茄子茄子燒到好腍身,鋪上滿滿嘅蒜蓉,食落好惹味 🍊味醂燒魚乾味醂魚乾帶有甜甜嘅醬油味,配上沙律醬用嚟做伴酒小食一流 🍊黑松露鵝肝多士鵝肝煎得香嫩,趁熱食嘅話感受到鵝肝嘅油脂溢出,上面嘅黑松露醬香口,下面嘅多士吸滿咗鵝肝油脂,整體口感層次豐富 📍尖沙咀寶勒巷10號地舖位置就腳:🍊🍊🍊🍊🍊 餐廳環境:🍊🍊🍊🍊 食物味道:🍊🍊🍊🍊 整體CP值:🍊🍊🍊🍊🍊 #香港尖沙咀美食 #香港美食 #香港必食 #香港探店#香港打卡 #香港旅遊 #香港必喝 #尖沙咀探店 #香港燒串 #香港好去處 ##UCreatorHK #BESTFOODwithUCreator #九龍美食 #香港隱世美食 #我想去aia嘉年華 #步步糕升 #遠離敏感肌 #聖誕驚喜 #ucreator ...更多