人氣馬拉菜館-「蘇媽蘇媽」開咗分店在沙田新城市廣場，主打馬來西亞菜式，除左肉骨茶、喇沙，仲有好多馬來西亞地道小食。餐廳裝修雅致，整個空間充滿東南亞風情🌴🌴，卡位座位闊落舒適。
✨招牌肉骨茶 - 一字骨 HKD$178
「招牌肉骨茶」成煲上，熱辣辣🔥，湯底味道好濃郁，充滿藥材味又帶點甘甜，好好飲；一字骨有四條，每一條都好厚切，黐住好多肉，豬肉亦煮得好軟熟，一咬就完全離骨，仲可以配蒜蓉、辣椒同黑醬油一齊食。材料一大煲refill到好多碗，仲有腐竹、豆卜、冬菇等…👍
✨蝦米醬炒鮮魷通菜$96
新鮮魷魚搭配爽脆通菜，蝦米醬調味一流，絕對係惹味之選！
✨燒豬頸肉 $92
豬頸肉分量多配上沙嗲醬，豬頸肉燒得剛好，仲有肉汁，食落超彈牙，同沙嗲醬嘅味道好夾～
✨檳城福建蝦麵$83
麵底揀左河粉，蝦湯底濃度適中，如果再濃同厚身小小就更好，蝦鮮味爽彈，豆卜好吸湯，入面仲有豬腩肉、通菜、芽菜、魚片同蛋。
✨馬來西亞拉茶🍹（熱）$35
泡沫豐盈順滑，入口就有種似奶茶但更勝奶茶嘅滋味，簡直係拉茶味茶走！
✨椰香咖央多士 $38
外皮微焦內裡香滑，牛油同咖央醬比例恰到好處，咬落去香氣四溢，係我食過最好味嘅咖央多士無誤！
TOSS蘇媽.蘇媽（沙田）
沙田沙田正街18號新城市廣場一期1樓107號舖
#2024美肌秘密
#2023咔嚓 #UCreator
#美食評論 #香港地道小吃#吃貨地圖 #foodiemap #蘇媽蘇媽 #沙田新城市廣場
