美食分享｜唐詩宴🏞️｜獅房菜

獅房菜以唐詩作為主題，精心製作出9道及12道菜式🍽️今次同朋友一齊品嘗9道菜式！ 每款菜式配上唐詩，好有意境啊🏞️ 「獅房發辦．唐詩宴」九道 每位 HK$638 我哋仲叫咗wine pairing每位HK$288 🥂Wild Olive Rosé, McLaren Vale, 2021 玫瑰色帶有草莓香甜味，同淡淡水果香氣，揭開序幕～ 🔸序幕：柚香冷麵 • 荷燻鯧魚 • 紅菜酥 「兩竿落日溪橋上，半縷輕煙柳影中。多少綠荷相倚恨，一時回首背西風。」 — 杜牧 《齊安郡中偶題》（其一） 仙氣滿滿分嘅前菜！淡影朦朧之中彷彿進入了詩中💨 柚香冷麵帶有一絲絲嘅萵筍同柚子肉～帶點開胃感覺；荷燻鯧魚炸至脆口，帶有芝麻香氣；紅菜酥咬入口酥脆酥皮！裡面有紅菜頭、雜菌、黑毛豬、菜脯及芝士等餡料～ 🍶山西杏花村汾酒 估唔到會有高樑酒，配上中菜真喺好夾🤣 🔸流金沙 ．脆鮑魚 「勸君莫惜金縷衣，勸君惜取少年時！花開堪折直須折，莫待無花空折枝。」 — 杜秋娘 《金縷衣》 鮑魚外脆內軟！底部鹹蛋黃&南瓜蓉醬汁夠juicy！炸牛蒡片作伴菜～ 🔸花膠．元貝．鰂魚湯 「百頃風潭上，千章夏木清。卑枝低結子，接葉暗巢鶯。鮮鯽銀絲膾，香芹碧澗羹。翻疑柁樓底，晚飯越中行。」 — 杜甫 《陪鄭廣文遊何將軍山林十首》(其二) 花膠超大塊喔！骨膠原滿滿🥰🥰 魚湯濃郁夠鮮甜！用上鰂魚煎香煲煮五小時，加入花膠、元貝、白菜作配料，超級足料飲完暖笠笠！ 🥂Penfolds Koonunga Hill Autumn Riesling 2020 呢款白酒帶有芬香嘅柑橘水果味，酸酸哋開胃！適合配搭海鮮類～ 🔸比目魚．柿紅汁 「涼月如眉掛柳灣，越中山色鏡中看。蘭溪三日桃花雨，半夜鯉魚來上灘。」 — 戴叔倫 《蘭溪棹歌》 比目魚入口嫩滑配上紅波辣粉及番茄醬，伴以灑上砂糖燒至焦香嘅檸檬片 ，魚皮超級脆脆！ 🔸阿拉斯蟹盒．黑金蒜頭 「青海長雲暗雪山，孤城遙望玉門關。黃沙百戰穿金甲，不破樓蘭終不還。」 — 王昌齡 《從軍行七首》(其二) 表面有原粒黑蒜😍 超健康呀🤣 酥盒裡面有蟹肉、鮮蝦、雜菌及蘆筍，鋪上水牛芝士烘焗至金黃酥化，入口酥脆裡面香嫩，味道好豐富！ 中場休息時間：鮮檸茶凍配上西米爆珠，表面加上檸檬皮，滑溜溜清一清口腔，繼續食下半場😗 🔸雲南鮮牛肝菌．茅香雛鴿 「春眠不覺曉， 處處聞啼鳥。夜來風雨聲，花落知多少。」 — 孟浩然 《春曉》 雛鴿外脆內軟肉質嫩滑，咬落去夠哂juicy ！配搭毛豆中和返膩感😝雛鴿浸泡加入牛肝菌和香茅嘅滷水汁，風乾後再以高溫油炸至皮脆肉嫩。師傅巧妙地以雛鴿替代詩中的鳥兒，搭配鮮菌移「詩」至餐桌，呈現出春季獨有的風味🩷 🍷Angove Angels Rise Vineyard Shiraz 2020 紅酒帶有黑莓黑車厘子味道，好適合配搭肉類！ 🔸極黑和牛尾．金不換 「此石巍巍活象牛，埋藏是地數千秋。風吹遍體無毛動，雨滴渾身有汗流。 芳草齊眉弗入口，牧童扳角不回頭。自來鼻上無繩索，天地為欄夜不收。」 — 李白 《詠石牛》 牛尾超級軟腍呀😍 帶有淡淡蘋果木煙燻味！大廚用牛尾比喻人生嘅堅韌和耐力💪🏻 用上蔥及中藥材金不換一同煲煮～超入味呀！！ 🔸海參．秋葵．米湯 「紅粒香復軟，綠英滑且肥。饑來止於飽，飽後復何思。」 — 白居易 《烹葵》(節錄) 米湯加入海參，繡球菌浸至入味，再加入藜麥和秋葵煮至熟透，及放上紅茶果子，暖笠笠清甜嘅米湯味道，感受到平凡之中帶點樂趣嘅感覺🩷 大廚受到白居易嘅故事背景觸動，希望藉就一碗溫暖米湯，感受到白居易的質樸與踏實，呢道菜以簡單的秋葵和稻米，細嚼出人生是非與哲理 🔸抹茶．紅豆．麻糬餅 「紅豆生南國，春來發幾枝？願君多采擷，此物最相思。」 — 王維 《相思》 外脆內軟嘅雙色酥皮紅豆蓉🫘咬入口喺滿滿嘅宇治抹茶奶黃💛 紅豆=相思豆，喺王維詩作中更成為愛情信物象徵。紅豆寓意著深情，常被用來傳遞甜蜜滿溢的綿綿愛意，呢款甜品就好似愛情嘅滋味咁🩷 📍獅房菜 (旺角) @royalplazahotel 旺角太子道西193號帝京酒店3樓 ❤️以下地方見到我❤️ Cynthia Email :  mylittlegourmand@gmail.com IG : @cynthia.c3c FB : mylittlegourmandcc Openrice : Mylittlegourmand #粵菜 #中菜 #旺角 #帝京酒店 #finedining #旺角美食 #hongkongfood #chinesefood #lionrock #獅房菜 #獅房發辦 #高級粵菜 #唐詩宴 #唐詩三百首 #酒店粵菜 (此文章由U Blog 同步發佈至社群)