香港地道韓國味，亞豬媽教埋你點食 之前farewell同事食左呢間韓國嘢，店舖嘅氣氛唔錯，店員會同我哋有傾有講，例如教我地點包豬肉食，會串我影相影得慢等，都幾搞笑😂。 留意：坐入房會有min charge。 ———————————————— 🦀 醬油蟹, $520（3.5/5） 店員會先將蟹蓋嘅膏倒晒去一個有珍珠米同芝麻嘅大碗到撈埋一齊，再釀番係個蓋到。食落甜甜咸咸，有鮮味（對我嚟講少少太咸）。生蟹嘅肉嘅質感都幾特別。不過醬油蟹蟹始終冇經高温煮熟，我都係唔敢食咁多。 🐟 韓國淡水鰻魚, $400（4.5/5） 店員會先幫你燒好鰻魚，然後比醬同紫蘇葉你自己包嚟食。鰻魚食落爽脆，油脂感充足。第一次咁樣食鰻魚，感覺唔錯同埋更加食到鰻魚本身嘅味。 🐷 韓式烤豬肉, $300（4.5/5） 用菜包五花腩加上韓式蝦醬。五花腩充滿脂香，但因為有菜嘅關係，食落一啲都唔油。 ———————————————— 🏷️ #whattoeat_尖沙咀 #whattoeat_韓國菜 #whattoeat_推介 #社群生日快樂