越搬越大嘅那個

那個ㄋㄚˋ ㄍㄜ今次要介紹喺新搬舖開喺大角咀，而呢間一直爆紅嘅台式料理餐廳叫「那個ㄋㄚˋ ㄍㄜ」。今次呢間「那個ㄋㄚˋ ㄍㄜ」餐廳入面好大，好啱輪椅人士入去幫襯，我原本想喺正門入去，店員帶咗我去側門，原來側門更加方便輪椅人士入去，店員超細心，帶咗我去一個位置較方便，之後就睇餐牌，呢間餐廳其實一直想去好耐，之前舖位好細，門口又有梯級，依家終於食到啦！ 1.秘製嘉義雞肉丼飯+黑糖冬瓜茶（小杯）$48（8.5/10）呢碗秘製嘉義雞肉丼飯入面雞肉好多，雞肉肉質比較瘦，口感似巨型板手撕雞，如果雞肉撕開幼身少少就比較好，仲有兩條白菜，呢個套餐仲包埋黑糖冬瓜茶，呢杯黑糖冬瓜茶甜咗少少！ 2.起司玉米蛋餅$38+黑糖波霸牛乳（小杯）$12（9/10）呢個起司玉米蛋餅一共有6件，蛋餅煙韌，蛋餅入面好多粟米粒，有口感之餘仲會甜甜地！飲品揀咗黑糖波霸牛乳，牛乳係採用香港嘅維記牛奶，奶味香濃，珍珠咬落甜甜地好煙韌！適逢中秋佳節，月餅早鳥優惠$198，月餅盒仲可以做燈籠，有開關掣識發光，仲會加送3張$80優惠券！如果口渴嘅話，佢哋依家仲推出所有飲品買一送一，外賣先有呢個優惠嫁！ 2人總共價錢$98 個人口味總評分：8.75/10 @nagetwfood 地址：大角咀利得街11號利奧坊地下G501-G503號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #那個ㄋㄚˋ ㄍㄜ #那個 #大角咀 #大角咀好去處 #大角咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #女生好物體驗包 #chill賞遊世界 #透亮抗敏 #秋妝上陣 #ucreatorhk #momentswithucreator #ucreator #打卡美食 ...更多