2024/09/13

嘩！嘩！嘩！隻瀨尿蝦手臂咁長😱呢餐全海鮮宴真係無得輸👏「性價比」爆燈💡

呢一餐真係等到頸都長😩❗️ 今年年頭已經book咗位，點知疫情爆第五波，一拖再拖，終於等咗三個月😒，先可以品嚐到呢間隱世小店嘅全海鮮宴🦐🦞🦀🐟🐙。如果唔係Google map😵‍💫，我應該一世都搵唔到一條喺長沙灣嘅小巷叫「兼善里」👀，裡面隱藏咗一位五星級大廚～禤師傅😎。事先聲明，呢間店走平民路線，門面一D都唔靚，幾有以前香港大排檔嘅風味👇。 👆禤師傅小廚 (長沙灣青山道兼善里4號地下) 究竟禤師傅有幾巴閉呢😎❓ 12歲學廚；做大廚超過30年；擔任過好多間五星級酒店主廚；中國改革開放之初，已經被邀請到內地為高級幹部獻技。禤師傅一直有個心願～「開餐廳」，但由於年紀唔細，唔想搵命搏，只係想有個地方俾佢耍吓手藝，有食客識得欣賞就滿足❤️，根本唔諗住賺咩大錢，希望用比較親民嘅價錢同大家分享美食👏，結果，同太太租咗呢個咁唔「起眼」嘅舖位👀，一做就做咗8年，成為「隱世」名店🏆。當我一知道4月21放監（放寬社交距離措施），「雞咁腳」WhatsApp禤太「re-book」4月22號，幫我霸住張枱，驚死食唔切🤪❗️ 留意⚠️❗️想食好嘢（例如：海鮮呢D貴嘢），必須要預先同禤太講定（想食乜同個budget預算幾多），到正日，禤師傅就會喺街市搵貨，盡量滿足大家嘅食慾😋。同禤太喺WhatsApp溝通完，佢send咗呢張菜單👇🤣～ D字好有氣勢，但睇得有D辛苦🤣 1）椒鹽瀨尿蝦 2）豉油蒸聖子皇 3）蒜蓉粉絲蒸元貝 4）清蒸海老虎 5）椒鹽九肚魚鮮魷 6）油鹽水花甲 7）金銀蛋莧菜未食已經想喊😭，禁晚間堂食咁耐，終於「有啖好食」啦💪。當晚座無虛席👨‍👩‍👧‍👦，嚴守社交距離措施之下，全場爆滿💪，成餐飯除咗好多久違咗嘅歡笑聲之外，最多發出嘅聲音就係～嘩❗️嘩❗️嘩❗️ 嘩❗️椒鹽瀨尿蝦❗️ 嘩❗️隻蝦有幾大😱？俾張「人體部位對照相」你𥄫吓🤣👇 其實，禤太話由於當日買唔到「斑馬瀨尿蝦」，唯有改用「青瀨尿蝦」，本來隻蝦嘅size係更巨型，以下呢張相係嚟自食客之前提供嘅照片📷 嘩❗️好變態呀🙀😱❗️ 雖然食唔到班馬瀨尿蝦，但「替代品」青瀨尿蝦絕對無令大家失望👍，D蝦肉結實、彈牙，而禤師傅嘅椒鹽同蔥嘅處理超入味，食完D肉，大家好似當食雪條咁，連個殼都無放過🤪，大力鼓掌👏！嘩❗️👆豉油聖子皇❗️ 聖子鮮甜、爽口、煙韌，啖啖肉，D蔥花豉油好食到不得了🙀❗️ 👆淨係睇張相都流晒口水啦🤤 唔好比佢停👇 嘩❗️👆呢個蒜蓉粉絲蒸元貝係我當晚嘅No1 Favourite👏❗️元貝蒸到剛剛好，嫩滑又有咬口，蒜蓉、蔥同醬油香味完全滲透每條粉絲，無敵‼️ 好啦！👆當晚唯一唔掂嘅就係呢個椒鹽九肚魚魷魚😵‍💫，由於個炸粉處理得麻麻，魚同魷魚都顯得「實」，唔夠鬆脆，而且，九肚魚仲有D腥，下次可以delete呢個餸❌。嘩❗️👆油鹽水花甲每一隻都肉質肥厚、清甜，個湯又有濃郁嘅胡椒底，非常惹味，適合鍾意微辣嘅為食鬼👻。最後，呢餐四個人（包埋tips）承惠$2300，每人五舊幾水💰，咁嘅食材、咁嘅廚藝，值回票價💪‼️ https://m.facebook.com/masterhuen/ （完） #小店 #長沙灣 #聖子皇 #椒鹽瀨尿蝦 #食極唔肥 #死剩把口 #海老虎 #鹽水花甲 #蒜蓉蒸元貝 #全海鮮宴 #禤師傅小廚 (此文章由U Blog 同步發佈至社群)...更多