2024/06/06

📍尖沙咀｜被點心耽誤的甜品店🍧🍡🍨

唔知大家有無試過飲夜茶呢？近期尖沙咀新開一間新派手工點心，仲有多款中西式打卡甜品供應🍨餐廳裝潢以老港情懷為主題、橙綠色作主調，牆身有不同霓虹招牌，環境氣氛充滿懷舊色彩✨每處都是打卡位胃口細既朋友仔有福了 ☺️ 餐廳推出不同點心拼盤，可以試盡不同口味！必叫打卡「一龍大滿足」💚 色彩鮮艷既點心配上打卡手提蒸籠，同時又滿足到鮮、甜、鹹、辣、酸等味蕾感覺；而另一款「龍燒賣」拼盤就有四款口味，當中麻辣牛肉燒賣，辣得好過癮🌶️ 作為𝖥𝗎𝗌𝗂𝗈𝗇點心店，除左傳統點心之外，亦加入不少創新口味，如馬拉風味小籠包，一啖入口，肉骨茶汁係口腔爆開，十分juicy 😍 紫藍色透明外皮超吸睛既松露野菌晶瑩餃，充滿濃郁黑松露香味！蟹粉菠菜香蝦餃，晶瑩剔透外皮配上大大粒蟹籽鋪面，食落鹹鹹地味道不錯👍🏻 色彩鮮艷既脆脆富貴紅米腸，外層軟腍粉皮，內裡脆卜卜，口感十分豐富 🤤 最後少不了黑金流沙包，小心爆醬焫親嘴仔✨ 飯後少不了甜品 🍧 中西式超過二十多款選擇，眼花撩亂！平時食完飯想食糖水甜品傾多陣偈都仲要另外專登搵，而家一次過滿足埋你！當中多款打卡甜點令 👧🏽 想全都要，最後揀左 💜 紫雪香芋冰，將淡奶淋上面，邪惡感爆分 😈 內裡是實心的，仲有紫薯、芋圓、餅乾，口感非常豐富，而且好飽肚；而 👦🏻 就叫左碗加倍開心果露，香濃開心果味又不太甜，完全大滿足！餐廳地點超方便，人多又可以包廂飲茶慢慢傾💬 飲飽食醉打完卡仲可以行下海傍拍拖散步👫🏻 𝑳𝒖𝒏𝒈 𝑫𝒊𝒎 𝑺𝒖𝒎 🍴 尖沙咀海防道38-40號中達大廈1樓 💰 平均消費 𝗛𝗞𝗗𝟮𝟬𝟬 💓 一龍大滿足紫雪香芋冰 𝖳𝖺𝗌𝗍𝖾 ♥︎♥︎♥︎♥︎♡ 𝖲𝖾𝗋𝗏𝗂𝖼𝖾 ♥︎♥︎♥︎♥︎♥︎ 𝖣𝖾𝖼𝗈𝗋 ♥︎♥︎♥︎♥︎♥︎ 𝖧𝗒𝗀𝗂𝖾𝗇 ♥︎♥︎♥︎♥︎♥︎ 𝖢 / 𝖯 ♥︎♥︎♥︎♥︎♡ 𝐦𝐨𝐫𝐞 𝐢𝐧𝐟𝐨. 𝐚𝐧𝐝 𝐩𝐡𝐨𝐭𝐨𝐬 𝐈𝐧𝐬𝐭𝐚𝐠𝐫𝐚𝐦 🔎 𝐟𝐚𝐭𝐟𝐚𝐭.𝐜𝐨𝐮𝐩𝐥𝐞 #甜品 #宵夜 #飲茶 #新派點心 #夜茶 #打卡餐廳 # 尖沙咀美食 #傳統點心 (此文章由U Blog 同步發佈至社群)...更多