鬧市寧靜之選《祝ご 居酒屋》

鬧市寧靜之選《祝ご 居酒屋》 放工想輕鬆下，但又想約朋友係全港最旺既油尖旺區，不妨選擇以下呢間打卡、傾計、野食都唔錯既《祝ご 居酒屋》。 串燒及燒物：牛舌+豚肉大蔥卷+雞腎+日式芥末羊架，由於同朋友都係食肉獸，所以叫咗好多燒蜜同串燒， 兩款內臟牛舌同埋雞腎份量都足夠，而且肉質鮮嫩，唔會好韌。 豚肉大蔥卷味道濃烈，新鮮爐下好香噴噴，口感煙韌，日式芥末羊架唔算騷，配上淡淡既芥末味非常合適，不過份量有啲少，唔夠喉。 飯類：燒飯團面層燒得有少少脆，但聞落係好香，飯糰入面冇任何配料，如果想食有配料嘅建議要叫其他嘢食。 刺身&冷吃：刺身盛合+播磨牡蠣(生蠔)，刺身包括有牡丹蝦、帆立貝、魷魚、吞拿魚、油甘魚。每樣刺身都非常肥美，鮮味十足，而且非常新鮮值得一叫再叫，生蠔方面叫咗兩隻，小小海鹽味，肥美唔會好漏，又係值得推介既食品之一， 飲品：靜岡綠茶可樂/富士山柚子風味汽水，兩款飲品既份量配撘都顯得啱啱好，唔會有某一種既味掩蓋左另一種既味道。另外餐廳有好多種唔同嘅米酒、梅酒、清酒等等，供客人選擇，唔一定要飲我推介嘅呢兩隻㗎。 祝ご 居酒屋 旺角彌敦道575號Ladder Dundas 5樓 #foodie#hkfoodie#hkfoodblogger#美食當前#食咗先講#iwaigoizakaya#旺角彌敦道#日本菜#刺身#壽司#串燒#居酒屋