踏入兔年, 立即相約好友食開年飯, 以豐富中菜迎接食神! 佐敦神燈海鮮酒家推出期間限定的「$1,888 兔氣揚眉『魚蝦蟹』富貴宴」套餐, 菜名有意頭, 而食完還可以搖骰玩魚蝦蟹, 有機會享用免費菜式.
先來一個別緻的葫蘆, 內藏招財進寶八爪魚、柚醋舟山海蜇頭及手拍青瓜、古法金錢雞.
古法金錢雞是一道手工菜, 做法繁複, 雞膶瘦肉醃入味後, 先炆煮後火燒, 而豬肉經長時間釀味及多重燒製後，肉汁味濃濃厚. 海蜇頭以上乘柚子醋醃製, 特別開胃. 八爪魚是內有乾坤的, 釀入甜菜及酸蘿蔔, 味道及口感均特別.
生炸黃油農圃雞, 炸得乾身香口, 皮脆之餘肉質仍嫩滑有汁, 超讚!!
年年有餘, 賀年菜當然要有魚~ 約一斤重精品虎杉斑以清蒸烹調, 魚肉鮮甜彈牙~
星洲麥皮蝦是新加坡名菜, 以特選麥皮、牛油與原隻大蝦一同炸香, 連殼也十分香口, 啖啖肉, 咸甜有緻, 好惹味!
糯米炒膏蟹是神燈的招牌名菜之一，膏蟹大約14兩至1斤, 夠肥美多膏, 糯米吸了蟹汁精華, 寧舍香甜, 糯米飯的精髓要夠乾身, 是否掌握得來就要看師傅功架.
我地也額外點了黑松露燒鵝(半隻)及伊比利亞叉燒例牌. 第一次食黑松露燒鵝, 好盞鬼! 不說還以為烏雞~ 燒得皮脆肉嫩, 超美味!
而伊比利亞叉燒也穩打穩紥, 幾乎燶邊, 肉質鬆軟之餘又有少少嚼勁.
今餐比較少蔬菜, 所以也額外點了啫啫芥蘭, 同樣惹味之選, 趁熱吃啦~
吃完「魚蝦蟹」富貴宴, 店員拿來骰盅及元寶, 元寶作落注用, 買定離手, 若然揭盅一刻中了我們元寶所在處, 可於2月6日至3月31日到店惠顧任何食品, 便可免費換領指定菜式一份. 例如雞代表生炸黃油農圃雞、蝦代表星洲麥皮蝦.
「$1,888兔氣揚眉『魚蝦蟹』富貴宴」套餐
價錢：$1,888（包一次遊戲機會）
供應日期：2023年1月22日至2月5日
地址：佐敦長樂街14-20號，18廣場地下及一樓
歡迎與我聯絡: jannis_tang174@hotmail.com
Facebook Fanpage: Jannis Tang Through the looking glass
IG: JannisTang
#賀年菜 #CNY2023 #好意頭 #佐敦神燈
(此文章由U Blog 同步發佈至社群)
