大角咀日式昭和風洋食商店招牌鍋料理二人餐🍲🍹

長沙灣日式昭和風洋食商店係大角咀開店啦❣️新店同樣充滿日本懷舊特色,店內有日本經典遊戲機､紙燈籠､特色貼紙等等,帶嚟濃厚嘅日本氛圍｡最新推出嘅$588 招牌鍋料理二人餐,包咗壽喜燒､關東煮同兩款小食,仲可以加$38嗌特色飲品或甜品｡店員會喺我地面前即場炮製壽喜燒同壽喜燒黑松露燉飯,全程慢慢享受呢個貼心服務,真係好好嘅體驗啊! ✨招牌鍋料理二人餐 $588✨ 🥩岩手縣和牛&澳洲和牛西冷 +$30 店員會全程幫我地烹調,先落牛油起鑊,然後煎和牛並加入壽喜燒汁同糖調味,蘸上蛋漿就食得｡澳洲和牛西冷肉味濃郁,口感比較緊實;岩手縣和牛油花豐富,油脂感較重,入口即化👍🏻｡ 🍲關東煮裏面有蘿蔔､竹崙､蒟蒻､日式魚糕等等,吸晒湯底好入味,天氣涼涼哋最啱食暖笠笠嘅關東煮阿! 🥚明太子玉子燒熱辣辣整好嘅玉子燒超好味,厚厚嘅玉子好有口感!上面有明太子醬同大量蟹籽,入口好香蛋香味,仲有鹹香嘅明太子味好惹味! 🐤唐揚爆谷雞爆谷雞即叫即炸,一口一啖size,外脆內嫩,外層有日式芥末醬同沙律醬汁,非常滋味! 🍚壽喜燒黑松露燉飯食完真係好欣賞店家諗到將日式壽喜燒同西式黑松露燉飯融合🤩!將剩餘嘅壽喜燒湯汁去煮黑松露燉飯,煮到收哂汁,飯粒軟硬度剛好!味道超級creamy充滿松露香味,同時有壽喜燒嘅甜味! 🍮海鹽忌廉法式焦糖布甸 +$38 焦糖布甸超級滑順,入口即化,仲好香蛋味!配上海鹽忌廉平衡甜度,食落唔會太甜,真係必須加錢叫阿🤩! 🍹雪糕提子梳打 +$38 梳打有提子､蜜瓜同波子汽水三個口味選擇,上面加個大大球嘅雲呢拿雪糕,雲呢拿味非常香濃,配提子梳打好清爽阿! 📍 洋食商店大角咀利得街11號利奧坊·曉岸地下G504號舖 #UCreator #打卡美食 #好去處 #全新景點 #chill #隱世打卡點 #打卡 #大角咀 #大角咀好去處 #大角咀餐廳 #利奧坊 #壽喜燒 #明太子玉子燒 #焦糖布甸 #關東煮 #唐揚炸雞 ...更多

大角咀日式昭和風洋食商店 招牌鍋料理二人餐🍲🍹

大角咀日式昭和風洋食商店招牌鍋料理二人餐🍲🍹