2024/10/07

/ 港式麵店大變身 /

// 01 10 24 晴天🌞 16:30 太子荔枝角道 @cheukminpo 聽到｢竹面譜｣呢三個字,咪以為係傳統港式粉麵店,查實佢哋好多元化｡最近,就推出咗款｢日本夢王和牛丼飯｣,採用鹿兒島𝐀𝟓和牛 & 日本公投刺身蛋拌飯第一名｢夢王蛋｣,再配以佛心價,結果正式成為｢太子區｣𝘊𝘗值最高嘅優質小店啊🎖️~~ 🔻夢王和牛飯 (生蛋) HKD$68 ꕀ 夢王蛋蛋黃飽滿蛋香味濃呈鮮橙紅色非常吸引和牛肉質柔嫩油花豐富為口腔帶來溫潤口感而附帶嘅豉油更做到提鮮嘅效果當佢哋加埋一齊用嚟撈飯簡直滋味滿溢以呢個價錢性價比真係超級超級高 🔻夢王烤豬頸肉飯 (生蛋) HKD$56 ꕀ 豬頸肉烤得焦香食起嚟爽彈唔肥膩襯埋泰式酸辣汁酸酸辣辣嘅感覺惹味又開胃加埋夢王生雞蛋撈飯堪稱完美 🔻紫菜三寶湯 HKD$44 ꕀ 相當出色海量級紫菜兼有齊魚片､牛丸､花枝丸三寶重點冇落味精湯頭鮮甜順口果然係真材實料 🔻炸雲吞(3件) 拼炸墨魚餅 (3件) HKD$44 ꕀ 炸雲吞脆卜卜內餡蝦肉多墨魚餅鮮味十足厚身𝘘彈再蘸上甜酸辣醬後啖啖都𝘺𝘶𝘮𝘮𝘺 𝘺𝘶𝘮𝘮𝘺 🔻炸奶卷 (4條) HKD$28 ꕀ 金黃色嘅炸奶卷咬落去好有驚喜外皮薄而脆內裏鮮奶軟硬度適中充滿濃郁奶香去到中間位置仲會有流心嘅質感 🔻祛濕茶|金銀菊花薏米加配價 HKD$10/1枝 ꕀ 新鮮自家製可選微糖/無糖有別於傳統涼茶味道唔會太過苦澀反而做到淡雅嘅花香清甜味美祛濕茶:雲苓|白朮|扁豆衣|南棗|澤瀉有助去水腫､清濕熱､膀胱熱及健脾胃金銀菊花薏米:杭州菊花|金銀花|薏米仁有助排毒､去水腫､清熱毒及滋補潤肺 ꕀ 🪴有興趣可以follow我嘅IG:Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s #太子 #新蒲崗 #竹麵譜 #支持小店 #香港美食 #太子美食 #美食推介 ...更多