金澤 - 與別不同嘅日本江戶之旅

金澤有超過400年歷史,當中最繁盛嘅時期,就係前田利家開創金澤城下町嘅江戶時期｡ 喺戰 爭頻繁嘅江戶時期,前田藩主為咗表達佢哋對德川幕府嘅忠誠,主力發展各種工藝茶道同文 化藝術,唔單止令金澤擁有豐富嘅文化氣息同傳統嘅工藝美術品,更令到金澤避免捲入江戶 時代嘅腥風血雨｡ 更幸運地,喺二戰期間金澤亦都未有受到轟炸,令到金澤嘅城市面貌保留相當多嘅古色古香｡ 由香港直航去到東京,無論你喺成田機場定係羽田機場落機,都可以乘搭鐵路或者巴士去到 東京車站｡唔講唔知,由東京搭成北陸新幹線去到北面嘅金澤,只係需要兩個幾鐘,其實非常方便! 北陸新幹線途中嘅景色都非常吸引,先係穿過信州地區嘅山脈,去到北陸地區又可以見到被 譽為日本阿爾卑斯山嘅立山黑部｡如果你係由大阪出發,同樣可以使用呢一張北陸拱形鐵路券,同樣唔使三個鐘就可以直達金澤｡ -和服體驗- 喺咁古色古香嘅地方,當然最適合著上日本傳統和服,喺兼六園､ 東茶屋街､金澤城等地方影相打卡｡比淺草同京都更具特色,同事擁有股息故鄉嘅背景版,呢個地方只係距離東京兩個幾鐘嘅新幹線咋!金澤最傳統嘅和服叫做加賀友禪和服,特徵係鮮艷嘅色彩同圖案,係代表性嘅傳統工 藝之一,但同時價值不菲,未必適合純粹希望體驗日本和服嘅大眾｡或者普通價錢,大約港幣 $200至$300嘅基本和服套裝已經適合大家｡金澤地方擁有多間和服店,但一定要提早網上或 者電郵預約, 因為當日去到我哋預約嘅店舖,門口已經表示今日預約已滿｡了解日本嘅人都 知道,日本人重視服務同埋產品嘅質素, 只會提供自己應付得到的限額｡今次推介嘅和服租 借店舖,提供唔同價位嘅和服,可以即場 任君選擇｡現場所見,女裝嘅和服超過500套,除咗即 日歸還之外,亦可以額外付款選擇翌日歸還｡ 金沢きもの花恋 營業時間:09:00~18:00 地址:石川県金沢市兼六元町2-4 ~Tips: 租借和服,愈早愈好!~ 金澤其實係非常受外國人同日本人歡迎嘅旅遊勝地,相比起非常多旅客嘅京都或者東京淺草 ,關東嘅日本人更加鍾意去金澤著和服｡為咗避免影相嘅時候全部都係人頭,建議大家揀選最 早嘅租借時間,喺其他旅客仲揀緊和服時已經出去影相,咁就一定最多靚相啦! -三大名園:兼六園- 換好和服,當然就要揀選合適嘅打卡景點｡今次推介嘅三個景點都係步行範圍:兼六園､金澤 城同東茶屋街｡兼六園係日本三大名園之一,係江戶時代大名(諸侯)嘅庭園,耗費長久歲月同 大量人力物力興建而成｡ 踏入兼六園彷彿回到江戶時代, 而且四季都有唔同嘅風景｡兼六園 嘅六勝,指嘅係｢宏大｣､｢幽邃｣､｢人力｣､｢蒼古｣､｢水泉｣､｢眺望｣,真係聽落都覺得自己好文 青｡去到現場打卡同參觀,同樣充滿文人氣息｡ 營業時間:07:00~18:00 地址:石川縣金澤市兼六園町1 -金澤城公園- 金澤城曾經係前田家族嘅居城,由於高度比起其他居城遜色, 或者並唔係非常震撼｡但由於 距離兼六園只係一橋之隔,去完兼六園之後不妨前去打卡,化身成為藩主,巡視一下吧! 營業時間:07:00~18:00 地址:石川縣金澤市丸之內1-1 - 東茶屋街 - 茶屋,係指江戶時代用嚟娛樂同宴請嘅場地｡而金澤正正保留咗多條茶屋街,形成獨特而令人 驚嘆嘅傳統建築群｡ 金澤嘅東茶屋街同京都祗園齊名, 係日本三個指定為重要嘅傳統建築保 育藝妓區之一 ,亦都係金澤最大嘅茶屋建築群｡ 喺充滿200年歷史嘅茶屋街外面,你會感受 到日本傳統文化嘅氣息, 同時亦都感嘆日本文化保育同建築修復嘅質素｡ 再行前少少嘅淺野 川河畔,亦都擁有充滿古色嘅行人橋樑, 非常適合四處閑逛｡ 地址:石川縣金澤市東山 ~Tips:著和服打卡,道具不可少~ 除咗靚衫之外,要令到成個構圖更加自然,一定要配合適合嘅道具｡喺金澤,隨處可見嘅三色 丸子或者醬油丸子､著名嘅金箔軟雪糕,都非常適合｡一手揸住醬油丸子嘅你,喺兼六園日式 庭園嘅背景之下,真係好似返到江戶時期｡ -金箔手工體驗- 既然金澤充滿藝術文化氣息,又點可以唔落手體驗一下?喺東茶屋街嘅商舖入面,唔少都提 供有趣嘅手工藝體驗班｡例如係金箔體驗班,可以親手體驗張金箔雕刻上唔同嘅藝術品上面, 例如係木盒､鏡子等等｡如果大家都有興趣著住和服製作藝術品,就記得提早預約啦! 箔一 (東山店) 營業時間:09:00~18:00 地址:石川縣金澤市東山1-15-4 #日本好去處#想飛賞飛#金澤#求好旅友 #金澤自由行