♥ 性價比極高 ♥ A5熊本黑樺和牛♥

岩岩同老公慶祝結婚周年紀念，我地黎到呢間來自日本過江龍嘅黑樺牛！ 佢地每日既A5和牛新鮮直送到港架！ 呢度仲要坐得舒服，價錢合理，性價比極高，一定要試！  湯底方面有八款，eg秘製酸辣魚鍋、麻辣雞鍋、豆腐玫瑰芝士鍋～ 我地揀咗豆腐玫瑰芝士鍋，每日限量供應，得８位咋~  呢度可以任食8款A5熊本黑樺和牛： 特上霜降牛小排、牛小排、上肩胛肉、肩胛梅花、牛前胸、玉子後腰肉、牛頸脊、牛本筋。 我地最中意就係特上霜降牛小排，油花均勻，食落有嚼勁， 肉味濃 ！ 其他賣相都ok，牛肉紋理望落吸引；大部份淥4-5秒就食得。  另外，想講一定要提早book, book 左會送海鮮拼盤!! 入面有大元貝、生蠔、海蝦等～ 全部都非常鮮甜、彈牙，生蠔肥美又好食，每人食到２大隻！  除咗海鮮之外，仲有其他野，eg菜、炸物、水餃、丸、蝦滑等，連豬皮都有!! 唔錯呀!!  性價比極高，下次會再黎～ (此文章由U Blog 同步發佈至社群)