足月了🤰🏼我的懷孕心路歷程👶🏻

> 𝟯𝟴𝘄𝗲𝗲𝗸𝘀 𝗽𝗿𝗲𝗴𝗻𝗮𝗻𝘁🤰🏼...in progress... 臨盤在即 係卸貨前點都要回顧一下自己的陀B經歷 大概一生人只會體驗一次🔓 當初發現你既時候 係去完蜜月旅行大半個月後 覺得你真係一個right timing 的寶寶👶🏻 對你既到來更加興奮更加期待💕 但係快樂不知時日過 好快就係我惡夢既開始 -->孕吐🤮 對於坐長途車/ 船都從來唔會嘔既我 竟然由第6周開始嘔到22周 番工既時候更加係求生不得求死不能 🫥 每日番到公司都係坐左係最尾個格廁所 食完野就嘔番上一餐 嘔清又再嘔黃膽水🚽  番到屋企都只有訓係床唔會嘔 食咩都冇左味覺/ 變酸🤢 依段日子真係此生難忘 然後發現原來嘔既原因係懷孕令甲狀腺過高 所以先會嘔到咁厲害🔥 不得不佩服自己 愛真的可以刻服一切 (每次產檢你的超聲波圖就係我安慰自己的來源) 👶🏻 幸好隨著周數變大 情況有好轉+冇再嘔了🫶🏻 然後寶寶好乖咁比我去左個日本暴食之旅🇯🇵 食番頭4個月食唔到既野 對於遲下冇得再自由自在咁去旅行既我 感到超滿足😍 孕中期都算係我過得最開心既日子所以體重都隨住心情直線上升 媽媽第一次既胎動 你第一次踢我 每次我都有好好記住 🩷 直至孕晚期 又開始辛苦起來 身體超級笨重 🐖行路綬慢 尿頻 訓唔到覺 食野頂胃 每樣都double double咁黎 依家終於踏入最後倒數階段 終點在望🥹 希望你會乖乖 比媽媽舒舒服服屙你出黎 小松露 爸爸媽媽期待與你見面💪🏼 #新手媽媽 #孕媽媽 #準媽媽 #懷孕日記 #懷孕媽媽 #龍bb #龍年寶寶 (此文章由U Blog 同步發佈至社群)