海洋公園水上樂園親子遊分享💕

有日學校假期， 見到海洋公園水上樂園買一送一優惠， 就畀佢吸引咗諗住帶小朋友去玩下。 $580買一送一，除返開$290/人。 好彩買票嗰陣有再search下， 當官網/klook/kkday做緊$230-3××/人既門票價， 俾我發現到trip.com/永安賣緊$160! 張票係全日票,大人/小朋友都用得！ ⚠️格價既重要性‼️ 🪜另外要留意水上樂園唔同設施會分高度， 建議110cm或以上先玩吧， 如果小朋友矮過110cm就好多唔玩得， 咁會好冇癮囉，建議大d先玩 🔐場內Locker要租， 盡量唔拎咁多野，實測2大2小既話， 標準size locker(rent fee $120)係夠的。 如果渣車既話，拎必須既野跟身/放沙灘椅area，其他野放車，唔租locker，都係一個可行方法。 💬租左locker會有條手帶，上面有個QR code，用黎scan黎開locker 💬除左QR code 仲要set6位數字密碼 💬locker可以無限次開放，但每次禁完密碼要小心按‼️按錯左“完結”就無得再用了 ❣️室內外都有人造浪，好玩！ ❣️室內既池，特定時間有電影放映。坐住水泡浮喺度睇都幾爽。 ❣️場內救生衣充足 ❣️成個場都感覺衛生乾淨 ❣️八彩天梯同雙子梯夠110cm就玩得，超好玩！唔會太驚的，我都玩到，大家放心玩🤣 ❣️超級欣賞個親子更衣室！好寬敞乾淨！有齊淋浴沖涼地方同厠所，仲有洗頭沐浴露提供。 ❣️更衣室出面有泳衣脱水器！脫一脫水唔使拎咁重 #海洋公園#水上樂園#海洋公園水上樂園 #海洋公園水上樂園門票#海洋公園水上樂園攻略#oceanpark#oceanparkwaterworld#香港親子#親子活動#親子假日好去處#親子好去處#香港景點#刺激好玩#親子#親子景點#親子旅行#全民打卡企劃 #生活足跡 #夏日打卡日常