維也納搭車慳錢攻略-避免做水魚

想分享下去維也納旅行點搭車先比較平，如果有錯歡迎一齊討論。 首先係機場出市區，千祈唔好買佢所謂既機場快線CAT因為真係唔覺有快到，普通火車RJ/RJX機場出火車總站都係15分鐘一個站就到，同CAT無分別但CAT貴好多，就算你搭唔到RJ/RJX，搭另一款S7雖然多d站但都係22分鐘就出到市中心。講下價錢CAT貴幾多就係一個人計的話CAT係14.9歐，而普通火車（S7/RJ/RJX)係4.4歐。所以大家記得唔好做水魚遊客，d錢用黎食左佢仲好。另外如果你有買vienna core zone travel card的話，姐係個d 24/48/72hr Vienna travel card 或者 day ticket Vienna or7/31 days Vienna 的話，機場去市區都係2歐。 講完機場講下市區搭車點買抵，單程成人係Vienna 搭車一程係2.4歐，所以可以計下數，如果你一日搭3程或以上就一定買transport ticket 抵。買transport ticket第一步建議首先download Vienna 搭車app -WienMobil（唔洗擔心可用英文操作）裏面有比較多類型既票卷選擇，除咗遊客買開既24/48/72hrs public transport ticket （講緊既係純搭車個款，唔係Vienna city card，下面價錢一樣都係純搭車個款）之外仲有day ticket 7/31days ticket 買既，day ticket同24hrs ticket 既分別係 day ticket 只可用到第二日既凌晨一點，但day ticket 係平d既 5.8歐 ，24hrs比足24小時你搭就8歐。係度講下，我之前去機場counter買佢係冇day ticket 賣既，只有24hrs 個款，所以如果要買day ticket 應該只能用app買。另外，我估7/31days都係得app可以買。簡單黎講down佢個app買就係最抵。另外個app個人覺得做得幾好，地鐵路線圖、班次時間、即時受阻服務（呢個係德文）都有齊。 附上個app咩樣同埋買票有咩選擇比大家望望（請看附圖與video)。 最後有問題關於維也納搭車既歡迎留言，亦歡迎大家有更平既方法可以互相分享，你都可以email比維也納搭車個邊問問題（wiener linien)佢地回email都唔會好慢，平日一日就回。 #歐遊慳錢攻略 #維也納搭車攻略 #想飛賞飛 #年輕肌gotcha #社群有辦髮 #UCreator #TRAVELwithUCreator