《環迴深圳》設備完善 景觀一流 餐飲出色 @ 福田香格里拉酒店 ( 深圳福田區 )

自從通關後，差不多每個星期都北上吃得喝玩樂，有時候更加同太太二人世界，順便充電，計計埋埋，都去了四、五次staycation，有次仲book了三間房，一家人拉隊去玩，有時間再同大家分享下。 而今次就同太太趁國慶長假期前，房價較相宜下，選擇了同樣就腳的福田香格里拉酒店。 畢竟福田店比羅湖店較新，大堂相對闊落；信步而行幾分鐘就可以到地鐵附屬的地下街，想四圍逛逛，實在相當方便，就算係落馬洲口岸過關，轉乘四號線，都係兩個站的事。 而且有一個最大的誘因，是因為香樂園就在酒店內，早幾年前同朋友拉隊北上，光顧了不知多少次，每次都沒有令人失望，所以都想讓太太親身體驗一下。 今次入住了34樓，窗戶對正少年宮方向，非常開揚而且採光度足，令人好舒服，而且可以自動延遲退房時間到明日下午四時。 一入房就見到Welcome Dessert。 雙人床特大，真係加埋小朋友一齊瞓都毫無懸念。 最特色係有女士專用梳妝台。 沐浴間亦分為企缸同浴缸。 但一次性衛生用品就要係check in 時講一聲，由前台職員分派，原來是環保政策。 而34樓住客係可以上37樓行政樓層［豪華閣］免費享用下午茶。 ［豪華閣］午間以供應水果、飲品及小食為主。 水果是出奇地多及優質，西瓜、蜜瓜、哈蜜瓜、木瓜、西柚、石榴、菠蘿、黃金桃、冬棗、香梨及芒果，係咪好誇張呢？ 飲品就包含了大部份常見的汽水及果汁。 至於小食，就有莎樂美腸迷你漢堡、火腿芝士三文治同埋煙三文魚包。 甜品陣容更豐富，超過十幾款，好多都係自助餐出現，真係無食lunch都可以食得飽。 正如之前所講，可以去地下街行下，而地下街亦接通了皇庭廣場，大家可不愁寂寞。 晚上當然要一試酒店［鮮］Cafe Zen 的自助餐，近日網上預訂，就算是周日或紅假，都只是￥498，抵食到不得了，一於帶大家睇睇美食陣容。 先講重點，餐廳設有魚池，放滿了游水龍蝦、砂白及三點蟹。 每位客人都有一隻，可以在芝士焗、蒜蓉蒸或清蒸任選兩款煮法，夠吸引了吧？ 蒸海鮮仲有超大隻生蠔、魚類及扇貝，真心覺得生蠔好味，大家一定要試。 可還不止呢！ 近年深圳酒店自助餐都會有一人火鍋提供，但牛肉多數只得一款，但想不到家陣有牛胸油、吊龍及肥牛三款，仲要係即切，加上新鮮雞，菜都有四、五任選，而湯底更加有麻辣同椰子雞湯兩款，我同太太都好鍾意。 凍食海鮮有鮑魚、青口、響螺、東風螺、大蝦、花蛤、三點蟹、瀨尿蝦同長腳蟹爪，豐富到一個點。 Carving Station有即燒羊架、三文魚同牛扒，看似好平凡，其實旁邊的即煎牛肝菌先係重點。 大家可能估不到飲品都可以講，因為有即榨鮮橙汁機，全晚任飲，而紅白氣泡酒同樣free flow，係咪難以置信呢？ 原來大堂另一角有部特別飲品機，內裡有花生核桃、枸杞豆奶、玉米胚芽同紅豆薏米，太太試了最後一款，味道不錯。 甜品種類不少，但朱古力噴泉都有黑白兩座朱古力漿，真係第一次見。 其他熱葷之類留返正式食評再同大家分享。 論陣容莫講話深圳吖，就連香港都好少見，埋單不用港幣$600，性價比超高。 酒店專頁 : 深圳福田香格里拉 酒店地址 : 廣東省深圳福田區益田路4088號 電話 : +86 755 8828 4088 想知道更多深圳資訊 : 深圳美食玩樂團(更新版) 吃喝玩樂大灣區 小紅書 : 美食焚化爐 IG : foodiephilip 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #深圳 #吃喝玩樂 #福田 #美食焚化爐 #staycation #環迴深圳 #福田香格里拉 (此文章由U Blog 同步發佈至社群)