作為狗奴才，平時行街見到啲寵物零食都會忍唔住買兩包比主子。我...
作為狗奴才，平時行街見到啲寵物零食都會忍唔住買兩包比主子。我買過肉條、風乾零食、狗餅等等俾我屋企嘅豬仔食，但豬仔最鍾意嘅都係雞脾🍗可能佢鍾意啖啖肉加上有骨可以咬下啦，所以平時都買唔少比佢食。不過之前帶豬仔去做 body check，醫生話佢有返咁上下年紀 (12歲)，要注意飲食，唔好再食咁重口味嘅野。
以前買零食好少睇成份，睇返先知有好多我睇唔明嘅添加剷，所以有一排我都忍手無買零食。但好明顯為食豬嗰排心情有少少低落，餵開零食嘅時間佢就眼甘甘望住個碗🥺點知我個friend早嗰排送咗十幾包雞脾俾我 (佢見豬仔太可憐，夾硬塞俾我🤣)，我忍唔住就破咗功🙈。
不過！今次嘅零食同我以往買嘅好唔一樣！分享返豬仔嘅食評 (姐係食相) 同我嘅感覺，想買健康零食俾主子嘅話，不妨參考下！
以前食開嘅雞脾色澤會深啲，聞落去味道比較重，但今次俾佢食嘅反而睇落去顏色淺啲，聞落去就係雞肉本身嘅味道，食落去就好似低卡雞肉咁，感覺好健康。而最最最特別嘅地方就係佢有多一粒鵪鶉蛋，豬仔見到開心到連阿媽都唔認得😂。
睇返包裝上面嘅成份表都好單純，就係雞肉同蛋，問返我朋友先知原來仲有其他口味，有興趣嘅話可以去「HeroMama」睇下，除咗雞脾之外，佢地仲有出其他健康零食㗎！
🍗蒸鮮棒棒腿 (蜂王乳添加)
🍗蒸鮮棒棒腿 (玉米筍)
🍗蒸鮮棒棒腿 (鵪鶉蛋)
大家都知狗到咗咁上下年記，牙無咁好，盡量就唔好咬太硬嘅嘢，而呢款雞脾嘅骨頭就好似中咗化骨綿掌咁腍😂手指壓一壓就碎，對於老狗嚟講比較方便食。不過雞睥都幾大隻，如果你隻狗同豬仔一樣，食嘢好心急，我建議食之前拆碎啲肉，咁就唔驚哽親~
今次就講住咁多先，之後有其他好嘢再同大家Share，最後俾大家睇下豬仔嘅滋味樣😋
...更多
