2024/08/15

東涌主題限定店

東涌主題限定店 🐰同朋友叫左2個晚市套餐，每個套餐仲加左2款小食+$44，連飲品同甜品。 🥕軟殼蟹龍蝦汁手作麵$138⭐️⭐️⭐️⭐️⭐️ 意粉變成手作麵依然和諧，軟殼蟹夠大隻多肉，炸到脆卜卜，龍蝦汁夠鮮味，完美依附住手作麵好正，手作麵又夠煙韌。 🥕鳳梨鮮果甜酸肉配地瓜米粉$128⭐️⭐️⭐️⭐️☆ 擺碟有心思，每塊肉都大大塊又肥美，甜酸味剛好，再配上鳳梨、荔枝、火龍果、士多啤梨全部都酸酸甜甜又色彩繽紛，非常開界。地瓜米粉滿滿一碗，地瓜幾清甜，米粉完美索晒湯汁幾清香。 🥕紅油抄手⭐️⭐️⭐️⭐️☆ 叫左小辣真心5會辣，反而幾香麻辣味，4隻大大隻，餡多皮薄。 🥕櫻花蝦魚湯浸娃娃菜⭐️⭐️⭐️☆☆ 櫻花蝦令魚湯更加鮮味，浸娃娃菜食又健康又清淡。 🥕黄金鹽酥雞⭐️⭐️⭐️⭐️☆ 炸到香脆可口，肉質嫩滑，不會太鹹夠惹味。 🥕黑麻油雞翅⭐️⭐️⭐️⭐️⭐️ 一啖咬落口勁香黑麻油味，雞翅又肥美大隻又炆到好淋好正。 🥕Teawood鳳梨酥⭐️⭐️⭐️⭐️☆ 第一次食茶木既鳳梨酥，有熱過令到酥皮更加香口，餡偏酸甜，可以食一絲絲既鳳梨。 🥕精選可頌窩夫⭐️⭐️⭐️⭐️☆ 牛角包窩夫淋上左邪惡既朱古力醬加果仁。 🥕金萱檸檬愛玉茶+$13⭐️⭐️⭐️⭐️⭐️ 少甜少冰要左高山金萱烏龍，好香檸檬同茶味，解膩一流。 🥕木珊鐵觀音草莓青檸茶+$17⭐️⭐️⭐️⭐️⭐️ 少甜少冰，紅色一杯幾靚，草莓加青檸酸酸甜甜，再帶點木珊鐵觀音茶香。 🥕雙重茶香蜜糖磚塊$68⭐️⭐️⭐️⭐️⭐️ 裝飾得好靚，有一球好香醇既奶茶雪糕，2塊烘過既麵包中間已經切好晒方便食用，麵包外皮都烘到脆卜卜，再加上有黑糖珍珠，又有加香滑既cream，一齊食勁邪惡，仲有2條焦糖香蕉勁邪惡又不會太甜。 ======詳情====== 茶木‧台式休閒餐廳東涌達東路20號東薈城名店倉地下G24號舖 👣東涌站A出口步行約6分鐘 ================ #美食 #甜品 #飲品 #雪糕 #鹽酥雞 #窩夫 #紅油抄手 #茶木 #香港美食 #yummy #台灣菜 #相機食先 #鐵觀音 #hkfood #鳳梨酥 #hkfoodie #甜品控 #吃貨日常 #奶茶雪糕 #吃貨 #香港美食指南 #hkeat #東涌美食 #東涌好去處 #飲品控 #RR吃貨 #RR東涌 #RR台灣菜 #手作麵 #木珊鐵觀音 (此文章由U Blog 同步發佈至社群)...更多