好耐無試過 或者從來都無試過係上水見到啲咁有質素既食店
仲要係日式餐廳🎏開中我個範 無理由唔去試吓🫢
店舖裝潢充滿日系風格 呢個亦都係負責人既心思位🥰
環境頗為闊落 用餐時候感覺舒服 坐耐咗都唔覺
至於食物方面 除咗平時會比較常見到既丼飯之外
負責人亦都透過自己既經歷 將一啲地道啲既丼飯列入餐牌😲
就好似深川丼 我唔敢講出面無 但絕對係少見🫣
以丼飯為主 連咖喱飯都有 可以話係照顧晒大家唔同既口味👍🏼
➷
🪐 深海池魚刺身
冬天既時令魚係深海池魚🐟
佢地都會因應季節去推出唔同既刺身魚俾大家享用😋
深池本身較為爽口 魚味鮮甜突出 唔會有任何腥味👍🏼
當然大前提都要睇吓刺身係咪有呢度既咁新鮮
油脂唔會太豐富 所以比較輕身唔會太油膩😌
§
🪐 鰻魚丼
鰻魚丼係佢地其中一個主推丼飯 大人細路都岩食😋
份量唔算小 擺設上都放咗心機 好有和風氣息🍱
鰻魚切得厚身 甜甜地既醬汁滲透到飯裡 非常惹味🤤
再加上有隻溫泉蛋點綴一下 更加提升咗佢地既味道
§
🪐 海鮮刺身丼
我就揀食返我最愛既刺身丼飯🦐
佢唔會有特定既刺身 會根據返當日新鮮既刺身去配搭
如果擔心當中會有唔岩食既野 可以先向店員查詢🔍
做海鮮丼最緊要都係刺身既質素同埋佢既多元化
我就食到成個碗都吉晒喇 咁你地覺得呢🤪
§
🪐 意式軟雪糕配紅豆·白玉團子
🪐 京都宇治抹茶芝士蛋糕
專心做丼飯都唔夠 仲要整埋甜品留住大家個胃🤤
濃香既抹茶牛奶gelato🍦清清地唔會太腬 好適合做飯後甜品
而抹茶芝士蛋糕都一樣整得好細滑 呢個相對上就會腬啲😌
視乎大家當刻有幾飽 不過我就覺得連甜品都唔可以錯過😋
➷
每個丼飯定食都會跟埋麵豉湯同埋有機烏龍蜂蜜綠茶🍵
佢地將蜂蜜加落烏龍茶入面🍯做到甘甘甜甜既味道
其實係無諗過普通一杯茶可以做到個種甘香既味道
食飽之後飲佢係覺得好舒服😌好似幫你畫咗個句號咁👍🏼
📌丼道
📍上水龍琛路39號上水廣場3樓317-320號舖
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟
#日式 #日式西餐 #上水美食 #日本菜 #咖喱 #丼道 #DonCurry #上水日本菜
(此文章由U Blog 同步發佈至社群)
