2024/08/31

香港正宗潮州菜，必試蠔仔粥和滷水！🤤

今次係同事做搞手，帶左我哋去太子「陳儀興尚潮樓」～因為地方夠舒適，啱晒聚餐！而且陳儀興嘅潮州菜又係新蒲崗老字號，夠晒正宗。先來一杯功夫茶先～🫖 食潮州嘢點少得滷水拼盤！😏 📌全晚覺得最出色嘅就係滷水鵝肉鵝肝，同埋蠔仔粥！😏 ⭐️推薦❗鵝三寶（$298起）原來裏面嘅拼配可以更換！😳 補返差價就可以啦！😎 我地叫左鵝片、鵝肝、元蹄，全部都滷得好入味！🤤 最欣賞鵝肝，質地細嫩，入口即化～💕 鵝片肉質結實，肥瘦適中且味道新鮮。潮州方味拼盤（$168）可以一次試晒傳統炸蝦棗和古法炸粿肉兩款招牌菜！（菜單冇寫有雙拼，所以要同店員溝通溝通😂）蝦棗炸至金黃酥脆，蝦膠內餡加左馬蹄，更添口感。炸粿肉用腐皮包着混合了馬蹄的豬肉，口感鮮美，配上甜酸汁，不錯吃！☺️ ⭐️推薦❗蠔仔方魚肉碎粥（$75）雖然Menu寫住每位$75，不過其實叫一碗足夠二人share食。採用大粒珍珠蠔，份量都算多！啖啖蠔肉，蠔味香濃～😎 加上方魚嘅點綴，味道更有層次。👍🏻 碧綠川椒雞（$128）唔好比個菜名嚇親，其實川椒雞係唔辣嘅😂，而係有一種獨特的香味。雞球加了川椒粉和醬油一起炒，炒得幾有鑊氣！雞球肉質保持嫩滑多汁，配上爽脆如海苔的川椒葉，口感幾有趣！欖菜崧子四季豆（$168）四季豆都算爽脆，欖菜崧子同四季豆係一比一比例，好足料好惹味，下飯一流！👍🏻😎 蠔仔烙食得多，香煎九肚魚烙（$188）就第一次試～⭐️推薦❗ 「烙」，是潮州話中「煎」的意思，九肚魚烙香酥不油膩，最欣賞係佢一啲骨都冇！😳 可以用潮州魚露蘸著吃。地址：陳儀興尚潮樓 (太子道西) (太子) 太子太子道西179號地舖及1樓營業時間：星期一至日：11:00-23:00 #中菜館 #太子 #香港美食 #潮州菜 #聚餐 #滷水鵝片 #滷水鵝肝 #蠔仔粥 #老字號 #香港美食 - 九龍區 #太子美食 #九肚魚 #陳儀興尚潮樓 #蝦棗 #粿肉 #碧綠川椒雞 (此文章由U Blog 同步發佈至社群)...更多