太子有間好出名嘅雞煲，今晚終於約到朋友同我一齊去食。名叫「米...
太子有間好出名嘅雞煲，今晚終於約到朋友同我一齊去食。名叫「米走雞」，係太子-藍馬之城入面，位於太子站B1出口行1分鐘就到，非常方便。 未到7:30pm, 已經坐滿人。 可能就快完暑假，超多學生哥去幫襯。 全店用QR code 落單，非常方便。
佢有兩款雞煲選擇，黃金芝士雞煲同火焰麻辣雞煲。另外有2人份量/4人份量作選擇。 我哋當然叫個出面無嘅黃金芝士雞煲2人份量試試。 雞煲一到，已聞到香噴噴嘅芝士味，雞煲內超多洋蔥，滿足晒我呢位洋蔥腔。 雞肉非常滑嫩，無雪藏味。多肉少骨，啖啖肉。如不食莞茜同西芹嘅朋友，可以遇早講聲唔要。 芝士雞煲做到拉絲效果，食到咁上下店員會來加湯比我哋轉做火鍋。 可加雞湯 / 芝士雞湯。
M5 和牛餃
平時火鍋店好少有得叫，見有我最愛M5牛就叫下。食落口較好爽口，好重牛肉味。
手打五寶拼盤
包捨手打墨魚丸、手打鮮蝦丸、手打鯪魚球M5 和牛丸及手打豬肉丸。 全部都好新鮮、彈牙。 墨魚丸打到起膠，好爽滑！ 鮮蝦丸，好香蝦味，夠新鮮足料。
蜂巢冰豆腐
外觀似冰封嘅豆腐一樣，一放落火鍋內，再吸收晒芝士雞湯嘅精華，好味到不得了。值得推介！
翡翠苗 +油麥菜
非常翠綠，好fresh, 煮熟後非常爽口。
凍銀菊露
超多菊花料，飲落解渴降火。 火鍋最佳配搭。
#米走雞 #芝士雞煲 #麻辣雞煲 @runningchicken_hk...更多
