日式居酒屋之《鮮燒。酒屋》

日式居酒屋《鮮燒。酒屋》 朋友生日，所以揀左一間適合傾計，環境優美舒服既日式居酒屋同佢慶祝。 環境： 環境寧靜優美，坐位寬鬆， 好多位置都適合打卡， 好啱情侶或者女士一邊食嘢一邊影相。 《鮮選5點刺身》( 三文魚/劍魚腩/大蝦/吞拿魚/帶子) 刺身鮮甜肥美，食落口感十足。 《忌廉蟹肉餅》 蟹肉餅炸得好脆，餅內嘅蟹肉味鮮甜。此外，餅面加咗兩塊青椒，少少辣辣地嘅口感相當唔錯。 《鮮燒玉子三重奏》(海膽/蟹膏/芝士) 小小甜既海膽配撘蟹膏味，加上濃烈又香噴噴既芝士味，味度超級可口。 《川日涼烏冬》 店員一嚟就推介呢種食物。好特別嘅食品，因為呢度係一間居酒屋，但店員話呢樣野食係會用川菜嘅方式嚟煮嘅。係傳統涼拌川菜既味道，份量十足，每人可以有碗甚至更多。 《明太子斧頭雞肉》 店員另一款推介既就係呢樣食物。 雞肉鮮甜嫩滑，加上特色嘅明太子醬，令味道更上層樓。另外，食物既中間有支長竹籤插住，拎嚟打卡一流。 《蒜蓉燒茄子》(日式/川式/港式) 我地選擇左日式煮法。小小鹹酸既味度。茄肉方面，因為啱啱燒，所以熱辣辣，下飯或者作為小食一流。 《巨峰提子乳酸梳打》 乳酸味幾重，但值得一讚又唔會蓋過左提子既香味，又甜又可口。 《水蜜桃梳打》 水蜜桃梳打，粉色系列，打卡一絕。 總結： 環境真係好靚，適合兩個人靜靜地咁傾計，cp值好高。另外，食物質素亦相當高，係一間川日式合拼既居酒屋。整體價錢亦算係平民價，翻食之選。 《鮮燒。酒屋》 土瓜灣九龍城道10-16A聯業大廈地下B號舖 #foodie#hkfoodie#hkfoodblogger#美食當前#食咗先講#鮮燒酒屋#日本菜#串燒#居酒屋#土瓜灣九龍城道