一路都好好奇環保化妝棉嘅存在～
真係環保？洗得乾淨？咁咪好麻煩？
手上咁啱有啲贈品 就即管試試！
圖中product部分係贈品 我都唔知有冇得買
所以以下review只針對「環保化妝棉」呢個類別
唔針對任何品牌～
.
1️⃣質地&觸感
環保化妝棉有麻棉、絨面等唔同質地
如果想用黎卸眼妝 可以買絨面
我本身仲驚佢會越洗越粗糙同變硬
好似啲舊毛巾咁
不過用左4個月
雖然望落去殘左好多 不過摸上手質地仲係好OK嘅
呢點都令我幾surprise!
.
2️⃣清洗
圖中bioderma個塊主要係用黎卸妝
我試過好多唔同嘅清洗用品
洗面膏、番梘、卸妝油...
發現DAISO嘅化妝掃清潔劑係洗得最乾淨
連防水眼線、mascara、超難洗嘅韓牌唇膏都冇得留底～
有部分環保化妝棉有連埋個網袋
等你可以直接dum佢入洗衣機洗
洗衣機洗會殘得快好多 扯到個邊變晒形
而手洗就會keep得靚仔啲
.
3️⃣使用感
對比起一次性化妝棉 環保化妝棉吸水力強好多
抹幾下又要再倒多少少眼唇卸
整體黎講用多左product
如果for toner真係完全唔建議用！
.
4️⃣小廢UP
用左一段時間我依然係質疑佢
一黎化妝水卸妝油用多左 即係洗多左錢
又要專登買多支清潔劑 而且都消耗幾快
我唔知咁樣用多左product同水嘅情況下
係咪仲達到環保嘅目的
以消費者角度黎講 唔特別鼓勵到大家轉用
其實真係講環保 不如係啲大企業入手好過
以前大學返過連鎖retail part time
啲貨嘅packing多到嚇死人 仲要一到貨即拆晒佢
返一次貨 唔要嘅膠袋＋stuffing
可能多過我人生用過嘅膠袋🙃所以係囉🙃🙃🙃
#女生好物分享 #環保化妝棉 #環保
