Day 16: 遊大阪外圍 上了兩個山兩個觀景層

今日啟用早前在難波站買定的近鉄2日券，包埋奈良巴士。 一早先去東大阪市役所22樓展望台，話就話9點先開，我早15分鐘已經搭專𨋢上咗去，9點正先有個職員坐counter。 要留意其中一邊因為近住宅大廈，話保障居民私隱，禁止攝影。而之後上咗生駒山，同啲小朋友及行山長者迫纜車，志在望下風景。 其後路經大和西大寺站安倍晉三去年遇刺身亡的案發現場，咁啱又有選舉，每次經過啲助選團都向我派宣傳單張，當咗我係本地人，其實我已經冇戴口罩，都分唔出？ 又有唔知甚麼吉祥物做三重県推廣，有個靚女職員主動派俾我。 今日重點是去吉野山賞櫻，真係大開眼界。時間關係，只係去咗中の千本，冇去上千本。 行咗兩個鐘，搭近鉄出返去，又企咗近一個鐘，再行橿原神宮。 最後在橿原市役所別館10樓展望台睇落霞，有個好似馬鞍山的山。 預告：明天會去奈良睇鹿 つづく #日本 #獨遊 #大阪府 (此文章由U Blog 同步發佈至社群)