高空一邊欣賞香港景色，一邊午餐

位於Sky 100 嘅 Café 100 by The Ritz-Carlton。個氛圍幾休閒舒適，高空望住香港景色，好chill。有一系列輕食，咖啡、自家製飲品、酒類飲品等。份量不太多，有少少貴。 🧇甜吻之醇 $128 蜂蜜黑茶窩夫配上芒果、椰子碎、北海道牛乳雪糕。窩夫🧇上枱時係溫熱，外脆內軟。配上好清甜嘅芒果，個香甜味再提升咗。雪糕牛奶味非常濃郁，同窩夫一齊食，冷熱交替咁，好好味🤤 🥪鳳鳴朝陽 $118 依款係烤雞意大利三文治，配上烤胡桃南瓜及朝鮮薊蒜泥蛋黃醬。三文治外層焗到香脆，上枱時熱辣辣，香氣撲鼻。雞肉帶少許香烤味，加上南瓜嘅天然甜味，好清新美味嘅組合😋 🥪綠野仙踪 $108 依款係啡菇意大利三文治，將大啡菇烤熟但仍保留水份，配上秋日松露蘑菇醬，雙重享受菇嘅香氣，加上瑞士芝士帶陣陣鹹香，唔使過多食材已經夠香又好食😋 ☕️泡沫咖啡 $55 面層印有Cafe 100字樣，打卡幾靚～咖啡味道幾濃郁，泡沫綿密，我影咗好耐相泡沫都仲keep到🤣 ☕️鮮奶咖啡 $55 牛奶同咖啡比例啱啱好，有咖啡嘅醇厚，又有牛奶嘅香滑，味道好平衡。 #2023咔嚓#sky100#cafe100#天際線#skyline#打卡#打卡景點#假期好去處#香港好去處#放假好去處#香港旅行#香港打卡#下午茶#香港景點#觀景台#情侶好去處#親子好去處#hkblogger#hkfoodie#hklifestyle#hklifestyleblogger#lifestyleblogger#chill