【鴻發牛什魚蛋專家（大埔）】｜大大碗質素正常

又係要去大埔，之前食過大埔名物上海麵覺得一般，今次周圍行吓，見到呢間食牛什粉麵，就試吓。

🍴招牌牛雜河粉（$38）
呢碗上面有兩塊炸魚皮，一上檯就要即刻食，唔係就會浸腍㗎，魚皮都幾香脆唔會硬，味道適中唔會太咸，呢個幾好味！牛雜份量都算多，食落都 okay，亦都冇食到異味，佢嘅辣椒油味道唔錯，都幾香，鍾意食辣嘅朋友記得要試。河粉嘅份量多，好夠飽。

🍴潮式牛根河粉（$38）
呢碗上面得一塊魚皮，相比起牛雜嘅大堆頭，會顯得比較零散，牛根煮得夠腍，但唔算太入味，呢個一般。

🍴牛雜魚蛋雙併河粉（$48）
雙併要用貴嘅粉麵價錢加$10，雙併魚蛋有3粒，魚皮有2塊，魚蛋都幾彈牙，魚味未算太濃郁，不過以呢個價錢都算okay。

🍴凍奶茶（+$7）
呢個奶茶都唔錯，夠茶味唔會嚡。

整體上食物質素正常，未至於太驚喜，河粉份量多，至少可以食得飽。嚟到熟食中心食嘢都唔會係要食環境或者食服務，當日食嘢遇到嘅姐姐有主動幫我搵位，唔使等位已經好好，檯面正常地唔會太乾淨，都要預咗係咁樣～

體驗感受 ⭐️⭐️⭐️
🔍鴻發牛什魚蛋專家（大埔），香港
追蹤我的IG：tracyloveliving 
#魚蛋粉 #熟食中心 #大埔美食 #大埔熟食中心 #牛什粉麵

(此文章由U Blog 同步發佈至社群)