賞味香港 - 長沙灣的泰國味道 泰道

上回同大家分享左係九龍城食泰國菜，今次就回歸在下主場長沙灣繼續食泰菜，位於青山道(宇宙商場斜對面)既 泰道，倀店開業只有數月，前身為Koala未曾光顧過只做晚市的菜館。幾次到訪都係單拖去食Lunch，午餐並有十多款選擇，連飲品都不過是HK$48起，而且可以用優惠價加配小食，加上味道不錯和份量之多，近日已成為在下的假日飯堂之一。 不知從何時開始，喜歡上各種的東南亞菜式，從越南粉馬拉菜到泰菜的食店，都在Koalascities(^O^)!出現過不少，近日因為Part time工作之便，把在下Koala的覓食地圖擴展到屯馬線上的東九龍南部，日後賞味香港系列，除左有未完成既葵涌山城同大角咀兩個Area，仲會去到土瓜灣同埋更多地方，請各位拭目以待，哈~ 首次到訪點了個蠔仔煎蛋飯，蠔仔賣相飽滿和份量之多覆蓋了白飯，在上檯時傳來陣陣蛋香，更吸引到四周食客注意，蠔仔剛剛熟保留了鮮味，配上辣醬十分好吃，以HK$50的套餐價格來說，性價比甚高 鋪面用上落地大玻璃，加上樓底高，空間感十足，店內掛上幾支富泰國色彩的吊燈，再配以綠外色植物作點綴，簡約得來又夠不型格 餐廳Menu只有一版，主食粉麵飯小菜甜品特飲都有，原本只在Lunch time供應的午餐碟頭飯，現在已變成了全日套餐，新年後加價從HK$50起跳，仍然算抵食同好食 飲品就算單點都是HK$18起，青檸梳打、三色冰和龍眼冰等特飲則要二十多元，甜品有杧果糯米合飯和椰汁糕等 香葉肉碎煎蛋飯一直是Koala的「賣飛佛」，肉碎炒得惹味香口帶辣，是在下能夠接受的辣度，而且份量十足，個飯夠熱是另一個加分位，餐飲幾乎每次都是Order熱奶茶，不是泰式是港式的 對於食量比兩年前大左(好多)既Koala，今次呢個泰式海鮮炒金邊粉，配料有蛋、豆腐乾、芽菜、魷魚仔和蟹柳，份量真係夠晒大堆頭，最後我有食剩，浪費了食物和廚師的心機 日前因為要閉關做Assignment，所以買外賣加料返屋企食，要左個泰式乾炒牛河配牛油雞中翼，前者雖然是增肥之選，但有相當之多的蔬菜(椰菜、芥蘭、菌粟米仔和紅蘿蔔)，牛肉也很多，店方用上闊身的河粉比較正宗，味道十分不錯，強烈推介(下次要試下堂食)！後者牛油雞翼不過不失 是日再次為左Assignment而閉關，但成朝就忙工作，搞到成兩點先食飯，慶幸仍趕及在食店1530落場前買外賣返屋企食，今次就點左個香辣肉碎炒河，都係有超多配菜，辣度比起配白飯強勁 開業好幾個月的泰國餐廳泰道，位於繁忙的青山道上(宇宙商場斜對面)，在下是在Facebook的街坊群組上得知的，記憶中鋪位前身為家菜館，好像只在晚市營業，最後成為了疫情下的犧牲品 泰道 地址：長沙灣青山道193號地舖 伸延閱讀 賞味香港 - 九龍城食泰菜 泰象館 賞味香港 - 長沙灣高水準日式餐廳 大丈夫食堂 #泰國菜 #泰式海鮮炒金邊粉 #長沙灣 #賞味香港 #泰道 #假日飯堂 #蠔仔煎蛋飯 #香葉肉碎煎蛋飯 #泰式乾炒牛河 #覓食地圖 (此文章由U Blog 同步發佈至社群)