2025/03/27

啟德睇Show前想醫肚？啟德零售館新開多國菜美食廣場🥘

多國菜美食廣場|$ 𝟓𝟏-𝟏𝟎𝟎 ⎻⎻⎻⎻⎻⎻ 最近去啟德睇演唱會?想睇𝐒𝐡𝐨𝐰前平平地食餐好?𝐆𝐨𝐮𝐫𝐦𝐞𝐭𝐦𝐚𝐩𝐩小編為你發掘到啟德零售館新開既美食廣場,有唔少國際品牌進駐,價錢仲幾貼地,即刻睇睇! ⎻⎻⎻⎻⎻⎻ [本文為全自費真實食評] ⎯⎯⎯⎯⎯⎯⎯⎯⎯⎯⎯⎯⎯⎯ 🥘 餐點 🌕🌕🌕🌕🌘 𝟒.𝟐 ⎻⎻⎻⎻⎻⎻ ▻ 𝐓𝐢𝐠𝐞𝐫 𝐑𝐚𝐦𝐞𝐧: 辛辣叉燒拉麵配小食 - 叉燒迷你丼 (𝗛𝗞𝗗𝟴𝟮) ★★★★☆ 湯式辣度十足,大約相當於譚仔𝟐小辣｡拉麵有咬口不過麵質唔算太有特色,叉燒木耳正常,溏心蛋做到流心效果,整體唔錯｡ ⎻⎻⎻⎻⎻⎻ ▻ 𝐓𝐢𝐠𝐞𝐫 𝐑𝐚𝐦𝐞𝐧: 鹽蔥燒雞肉丼配小食 - 日式粟米薯餅 (𝗛𝗞𝗗𝟲𝟰) ★★★★★ 燒雞肉入口被驚豔,香得黎仲帶有炭燒既香味,配飯真係一流｡薯餅就正常發揮,唔算太特別｡ ⎻⎻⎻⎻⎻⎻ ▻ 蝦麵店: 手撕雞冬菇麵 (𝗛𝗞𝗗𝟱𝟴) ★★★★☆ 湯式清香自然,手撕雞冬菇都散發住清甜既味道｡食完唔會口乾,但整體調味小編覺得可以再重少少會更加好｡ ⎻⎻⎻⎻⎻⎻ ▻ 花鮮甲: 無骨魚片花甲粉豬骨湯微辣 (𝗛𝗞𝗗𝟲𝟵) ★★★★☆ 湯式吸左魚片加花甲既鮮味,加埋粉絲成件事超級掛湯｡魚片處理得唔錯,似平時酸菜魚食到既魚片,口感好滑｡唯食到最尾粉絲吸湯吸得太勁,有啲過鹹｡ ⎻⎻⎻⎻⎻⎻ ▻ 花鮮甲: 追加小食 - 泡椒魚皮絲 (+𝗛𝗞𝗗𝟮𝟵) ★★★★★ 🄼🅅🄿 是日重點!魚皮切絲好似食麵咁既質感,咸道適中而且口感爽脆,諗返起好多年前喺舊式粉麵店食到既白灼薑蔥魚皮既感覺｡涼拌煮法令魚皮更加清爽,夏天食絕對一流! ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻ 👨‍🍳 服務 🌕🌕🌕🌗🌑 𝟑.𝟓 ⎻⎻⎻⎻⎻⎻ 出餐速度大致正常｡不過點餐期間𝐓𝐢𝐠𝐞𝐫 𝐑𝐚𝐦𝐞𝐧店員感覺無咩耐性,套餐配小食總共有四款,諗多幾秒都會感覺到店員催緊你,拍攝當日為平日非繁忙時間,小編後面無人排緊隊｡作為日本過江龍,公司需要正視一下店員既服務態度,否則對品牌印象會有顯著既負面影響｡其他店舖服務正常｡ ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻ 📸 環境 🌕🌕🌕🌕🌘 𝟒.𝟏 ⎻⎻⎻⎻⎻⎻ 食檔上方既𝐋𝐄𝐃牌幾搶眼,座位都大致寬敞｡座得幾舒服｡冷氣稍為凍左少少,其他方面問題不大｡ ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻ 🪙 𝐂𝐏值 🌕🌕🌕🌕🌑 𝟒.𝟎 ⎻⎻⎻⎻⎻⎻ 近年美食廣場既價錢感覺明顯較以前可取｡定位大致比餐廳相約,不過服務水平有啲參差不齊,若果肯作適當改善,相信會令美食廣場錦上添花｡下次黎啟德睇𝐒𝐡𝐨𝐰既朋友,又多一個地方可以醫肚喇! ⎯⎯⎯⎯⎯⎯⎯⎯⎯⎯⎯⎯⎯⎯ 📍 𝐅𝐎𝐎𝐃 𝐆𝐀𝐋𝐀|九龍城啟德零售館(𝟏) 𝟐樓𝐌𝟏-𝟐𝟎𝟗至𝟐𝟏𝟒號舖 ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻ #gourmetmapp #香港 #香港美食 #香港美食指南 #拉麵 #花甲粉 #雞飯 #雞肉飯 #美食廣場 #啟德體育園 #啟德零售館 #food #hongkong #foodies #相機食先 #親民價格 #優惠 #kaitak #演唱會 ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻ ...更多