2024/12/15

🦄認真地為食。有誠意地長氣🦄

介紹返💁🏻‍♀️ 。。 🇨🇳 川式串燒在將軍澳 🇨🇳 。小野人 KOKA 。MONTEREY Place地下G25A號舖。大漠烤羊肉串。HKD48 + 10% @ 五串一份蒜蓉烤茄子。HKD48 + 10% @ 每份蒜蓉粉絲烤扇貝。HKD42 + 10% @ 每隻烤海中蝦。HKD39 + 10% @ 三串一份蒜蓉烤生蠔。HKD36 + 10% @ 每隻烤雞軟骨 / 烤脆雞皮 / 烤雞腎。HKD32 @ 每串烤西班牙黑豚五花 / 烤雞肉串。HKD28 + 10% @ 兩串一份烤封門柳牛肉串。HKD28 + 10% @ 每串元氣森林水果茶。HKD48 + 10% 🤫 繼續聖誕前夕聚餐日誌..雖然話就話係聚餐..但係而家個人老咗..朋友都係疏疏落落..有啲又移咗民..有啲就慢慢冇聯絡..所以通常都係One On One食吓飯傾吓偈多..一大班人真係少之又少..就啱啱嗰個星期六約咗將軍澳之友阿G喺我哋附近食餐飯仔..真係大大話話有成三四個月冇見過面..係時候互相Update吓近況..呢啲吹水多過食飯嘅晚餐我覺得最適合就係咬吓啲細細串嘅串燒邊食邊傾～ 🤫 今次幫襯呢間其實都喺屋企附近開咗好一段日子..但係就從來都未入過去..講緊嘅就係位於將軍澳海濱呢一邊..同Donki同一個商場嘅地舖..佢叫做小野人KOKA～ 🤫 餐廳晚市五點鐘開門..我哋為咗唔好同人迫所以實行食五點半..食完仲可以輕輕鬆鬆行吓Donki..不過估唔到我哋咁早入餐廳都已經有兩三枱人喺度開緊餐..餐廳地方都幾大㗎..而我個人就好鍾意佢呢種北歐風格..奶茶色為主調配淺木色桌椅嘅裝潢設計..成個感覺令人好舒適..好有居家嘅感覺～ 🤫 我哋就揀咗坐喺角落頭位置方便傾偈唔好阻住人..然後用QR code落單～咁入嚟幫襯之前都已經知道呢度嘅嘢食全部都係細細一串咁樣嘅..所以經過商量之後決定豬牛羊雞同埋海鮮樣樣都嗌啲咁樣啦～ 🤫 今次一反常態先講咗個飲品先..我哋一人嗌咗一杯佢哋嘅水果茶..呢杯嘢大杯都好緊要..直頭係Hoegaarden嗰個Size..真心係幾抵飲..同埋嗌一杯就已經足夠成餐晚飯..絕對唔使慳住飲😛而且相當之足料..有齊藍莓青檸檸檬菠蘿士多啤梨熱情果..味道酸酸甜甜非常之解渴..邊飲邊食串燒呢啲熱氣嘢就最啱啦～ 🤫 燒烤方面..海鮮尤其是係貝類相當之突出..生蠔同帆立貝都好新鮮..生蠔夠Juicy..帆立貝自帶鮮甜味..而且調味上亦都恰到好處..最緊要係兩隻海鮮嘅Size都好適中..唔會話太細隻🦪 🤫 再嚟就講吓一串串..佢哋呢度主打係細細串嘅羊肉串..我自己就唔食羊嘅..不過阿G都叫咗一份五串嚟試吓..佢話同佢返大陸食嘅一樣咁惹味..做法調味都幾正宗..而且羊嘅臊味都幾重..重口味嘅羊肉愛好者一定要嚟試吓🤝🏻 🤫 我自己就比較欣賞佢哋呢度嘅雞類串燒..雞肉串嘅雞肉好嫩滑..一啖一串好方便..雞軟骨串嘅雞軟骨粒粒都有啲爽肉包裹住軟骨..所以成個咬口都好唔錯..係我最鍾意食嘅其中一個串燒..然後雞腎爽口唔韌..雞皮亦都燒得夠乾身脆口 🤫 再嚟我覺得個封門柳同埋海蝦串燒都好唔錯..唔好睇串封門柳好深色咁..其實咬口都幾嫩滑..而且牛味都幾濃..至於海蝦串每一隻都大大隻..蝦肉彈牙爽口..配埋餐廳自家嘅調味..辣辣地都幾惹味🦐 🤫 至於我哋叫嘅唯一一個蔬菜就係佢呢度都好推介嘅蒜蓉烤茄子..茄子唔算大隻兩個人食啱啱好..同出邊嘅烤茄子有些少唔同..KOKA將茄子烤到啱啱好..就連茄子皮都食得..唔會話好似出邊啲燒烤店咁樣烤到啲皮燶晒只係可以食肉..唯一就係佢哋嘅豬五花串燒..可能因為塊肉太過薄..燒得耐咗就會過咗火位變得有啲韌口 🤫 整體嚟講我哋兩個都好欣賞佢呢度每枱都放有一個烤爐幫忙慶住啲嘢食..咁樣就算我哋掛住傾偈食得慢..但係嘢食都可以保持到應有嘅溫度同埋質素🍢 🤫 服務方面呢度都好唔錯嘅..上菜都上得好快..而且有需要添水啊或者拎紙巾啊各樣嘢..侍應們嘅反應都好快捷..絕對冇話扮睇你唔到嗰種😬仲有最加分嘅就係餐廳唔會趕人走..你知啦～我哋呢啲長氣袋傾偈傾成晚㗎嘛😏 🤫 Last But Not Least..其實我好鍾意佢哋嗰個小野人Logo..個人仔頭真係好得意..所以可能大家都會留意到..今個Post啲相我有意無意都會影咗好多個人仔頭落去😂大家唔好介意..唔係賣廣告..純粹個人喜好😛 。。翻兜指數：🙆🏻‍♀️🙆🏻‍♀️🙆🏻‍♀️（5個🙆🏻‍♀️為翻兜爆燈）。。 #foodie #香港搵食 #hkfoodie #吃在香港 #坑口必食 #香港必食 #將軍澳 #將軍澳美食 #將軍澳搵食 #將軍澳必食 #小野人 #美食推介 #香港美食 #串燒 #川菜 ...更多