🌵感受墨西哥風味🌮🌯
香港不少墨西哥🇲🇽餐廳, 舊同事推介尖沙咀嘅8Five2 Restobar ！餐牌主打墨西哥美食：Nachos、Quesadilla、Burrito等，主菜就有扒類同海鮮飯；裝潢以半開放式設計，坐位特別開揚，微暗嘅燈光加上音樂陪襯，我地座bar枱都好有氣氛，好啱食飯傾計！
🌽🌮雞肉墨西哥脆玉米片 Nachos $120
店員介紹必點nachos，可揀配搭豬肉、牛肉同雞肉等，我地揀左buffalo雞肉，其他配料有牛油果醬、芝士、蕃茄等，粟米片香脆可口唔會太咸，雞肉配左自家製Buffalo醬香辣惹味！胃口大增！份量剛剛好！
🍖燒豬仔骨BBQPork Ribs (half) $168
豬肋骨出場超驚喜！超！巨！型！嘅豬肋骨外皮燒得焦香色澤鮮明！外皮帶點焦香，肉質鮮嫩肥瘦均勻有咬口，肉汁豐富肉味香濃, 油脂香而不膩！秘製醬相當惹味！跟左炸薯條好足份量，足夠兩個人share!
🍮Churro Dulce de Leche $68: 傳統煮法嘅西班牙油炸鬼，酥脆可口，肉桂粉香氣馥郁！配左朱古力雪糕一齊食，超夾超好味！
🥤 Hazelnut shake $8 ：飲品點左Hazelnut 朱古力shake賣相吸引，朱古力味香濃唔算好甜～啱哂我口味！
8Five2 Restobar
地址📍 ：尖沙咀天文臺道8號地下2號舖
