旺角人氣泰菜 精緻又美味

《青花》 好耐無試過平日同屋企人一齊有假放,一齊去食個靚午餐😜最後揀咗旺角一間人氣泰國菜🙌🏻 環境好靚好舒適,餐廳周圍採用落地大玻璃有自然光感覺零舍舒服｡而且仲有露天位置添~ 食物除咗好味之外,性價比仲好高! 首先叫咗幾個午市套餐,有主食+小食+飲品｡諗住午餐份量一般唔會好多啦⋯點知我錯左🫨真係非常抵食! ✨芒果鮮蝦炒飯 x 脆炸豆腐配南乳醬 x 蝶豆花青檸茶 非常喜歡呢個炒飯🫶🏻炒飯夠乾身,飯粒分明｡當中配上蝦肉､鮮甜芒果粒同提子乾,味道同口感都好豐富! 豆腐外面脆身咬落去好鬆軟,配上南乳醬變得非常惹味｡ ✨路邊炭火炒豬肉寬河粉 x 泰式魚餅 x 桔仔酸梅 好夠鑊氣,除咗豬肉片仲有粟米仔､菇､蘿蔔,河粉煙煙韌韌口感不錯｡ ✨泰式船家脆炸花腩湯河粉 x 蒜蓉炒椰菜x 龍眼桂圓茶 湯底好香好濃郁,花腩片肥瘦適中｡ 炒椰菜諗住好平凡,但又真係幾好食🧐 另外再叫左啲小食同甜品 ✨冬蔭單骨雞翼 必食❗️炸粉唔會好厚,但好脆身,而且冬蔭功味好夠,有少少辣超級惹味,係食唔停口個種! ✨酸辣鳳爪沙律 從來好鍾意食鳳爪,尤其無骨😌呢個酸辣味夠哂惹味! ✨雞皮卷 賣相有啲似腐皮卷😆咬落內裡雞肉好juicy,一啲都唔膩,蘸上泰式辣醬好好味｡ ✨斑蘭椰汁糕/芒果糯米飯 前者賣相好精緻,係一朵花嘅形狀,有淡淡椰汁同斑蘭香;後者係我最愛嘅泰式甜品,芒果好香甜,仲配上椰子片,又係必食🙌🏻 上面幾杯跟套餐嘅飲品,賣相又靚又好飲｡額外叫咗杯香辣菠蘿梳打,飲品入面有辣椒味,好特別,好飲得黎又幾爽😆 📍地址:旺角奶路臣街17號THE FOREST 1樓107-108號舖 #青花#AtumChampak#thaifood#thaicuisine#泰國菜#旺角美食#TheForest#香港美食#香港美食推薦#foodiehk#相機食先#美食推薦#吃貨#hkfoodie#hkkol#hkinfluencer#foodstagram#hklifestyle#majushare_food