觀塘打咭之《Be Leaf》

觀塘打咭之《Be Leaf》 呢間餐廳食過好多次，但每一次都因為叫咗好多嘢食，所以都好懶出post🙃，但我想要講係，呢間餐廳係我食過咁多間既top 3😅， 沙律：意式芝士巴馬火腿拼盤 有幾款唔同味道，有辣有唔辣，亦都有不同款嘅芝士，建議可以用火腿夾住芝士，細細舊慢慢食，火腿嘅份量都好多，所以芝士夾住火腿食，感覺上冇咁漏。 小食：明太子炭烤荷蘭茄子伴三文魚他他 呢個係小食，但係呢一個小食令到成個套餐昇華左，因為三文魚真係好好食，入口真係即溶😋，再加埋少少他他醬同明太子醬，同埋香濃嘅茄子味道，味道配搭得啱啱好。 主食：香煎牛小排紅咖哩意大利飯 紅咖哩意大利飯，啱曬唔係好食到辣，但又希望食少少試下既朋友😊，飯粒入口軟棉棉，淡淡咖哩味唔會掩蓋左飯香，我同朋友食完第一啖既反應就係😮，異口同聲講左句👉🏻好好食啊，牛小排有韌勁，但絕對唔係咬到有筋既感覺。 飲品：鹽漬櫻花柚子梳打 & 宇治抹茶鮮奶 飲品方面，朋友既咸味柚子梳打幾清新，表示幾啱佢口味，本人好鍾意飲綠茶嘅嘢，呢杯抹茶味鮮奶就好啱我，綠茶味香濃。 甜品：自家製85度朱古力心太軟配VENPICK雪糕 甜品方面係心太軟，製作需時要10-15分鐘，店員好細心同我哋講，叫我哋耐心等候。朱古力味幾香濃配搭雲呢拿雪糕啱啱好，黑白配好食😋。 總結： 餐廳cp值高，而且打卡非常之靚食物質素高，餐廳本人曾經去過五次，今次係第六次😊，我相信會有再有下下次😂，另外都想講，呢間餐廳係歡迎帶寵物，有養小動物既朋友可以帶埋毛孩，餐廳會提供寵物套餐，等一眾主人同小動物玩得開心，食得開心。 《Be Leaf》 觀塘敬業街55號皇廷廣場地下2號舖 #foodie#hkfoodie#hkfoodblogger#美食當前#食咗先講#觀塘敬業街#西餐#意大利菜#打卡餐廳#海鮮#寵物餐廳