精緻派素食印度餐廳～Kailash Parbat

繼上次食完Anjappar，對印度菜一直念念不忘，原來同一棟大廈嘅上一層仲有另外一間素食印度餐廳Kailash Parbat，近排食肉食得太多，嚟呢度食下素食都幾好🤟一踏入餐廳就見到裝飾極具印度特色嘅室內空間，餐廳燈光比較溫暖柔和，為用餐氣氛增色不少，係一個會令人舒服又放鬆嘅用餐場所❤️ Malai Paneer Tikka 係印度非常出名嘅新鮮芝士，一件件好似豆腐咁嘅芝士被烤到焦香，芝士好有嚼感，有淡淡奶味，連埋洋蔥同醬汁一齊食好特別✨ Paneer Tikka Lababdar 相比起平時食開嘅咖哩，印度咖喱質感相對較粗糙，但係味道層次就豐富好多👆芝士「沐浴」喺咖喱入面，加上各種香料嘅碰撞，每啖都感受到香料豐富嘅層次感，濃郁可口。 Masala Cheese Naan 表皮烤得脆脆哋，芝士搭配牛油搭配烤到金黃色，一咬開芝士嘅咸香即刻湧出嚟，無論就咁食定係點咖喱食都係一流😚 Pani Puri 係印度常見嘅街頭小食，橢圓形中間空心嘅脆球入面包住內餡～Pani Puri係需要自己動動手嘅一道菜式，因為要將醬汁淋落去，仲一定要一啖食曬先體會到佢嘅靈魂。 (配兩種醬汁都好好食👀) Punjabi Samosa 好神奇嘅咖哩餃！尖尖哋好似金字塔咁嘅外型，外面嘅皮係硬硬地脆脆哋嘅，入面包住咖喱薯茸同豆類，仲有好重嘅香料味同油香味，而且用料非常實在，食完一個已經好飽肚！建議同朋友Share😆 Masala Papad 輕薄嘅脆片上灑滿辣椒粉以及洋蔥、蕃茄等清新食材，味道比較辛辣但又唔會覺得太刺激，薄餅好鬆脆，整體非常開胃！ 😉食咗咁多菜式，當然唔少得叫返兩杯飲品濕濕喉嚨啦～ Chilli Guava 以石榴汁作為主打嘅飲品，最特別嘅地方杯邊痴咗啲辣椒粉，飲落唔會好重甜味，仲有微微辣味添😌 係好特別嘅組合，無想象中咁奇怪，亦都喺出面好少機會飲到嘅口味，同朋友一邊傾偈一邊飲，正～ Ginger Lemonade 可以揀Sweet / Salted / Mixed，我哋揀咗Mixed，鹹甜之中夾雜檸檬嘅酸爽🍋解膩一流！整體嚟講，呢間素菜印度餐廳風格比較精緻，每道菜份量唔算好多，但都可以食到好飽😋對於印度美食有好奇心嘅朋友、或者想追求新鮮感嘅素食人士，Kailash Parbat絕對係一個值得一試嘅地方📢 🥢Kailash Parbat @kailashparbat.hongkong #印度菜 #尖沙咀 #咖喱 #印度咖喱 #hkfoodie #foodiehk #hkfood #hkig #hkfoodblog #香港美食 #搵食指南 #食食食 #tstfood #tsimshatsui #素菜 #食素 #tsimshatsuifood #素食 #餐廳推介 #尖沙咀餐廳 #尖沙咀好去處 #咖喱餃 #食勻全世界 ...更多