2025/02/24

🎏銅鑼灣新開龍點心🎉可能係香港最多款燒賣嘅點心店‼️

龍點心曾經推出多達30款燒賣口味,款款都好有特色,另外,多款點心都支持香港製造,採用香港老字號品牌作為點心材料,亦會同師傅合作有聯乘產品‼️ 依家仲有係全港首間【點心店 x 禮品店】,分別有【龍記有禮】及香港有禮,龍記有禮:龍點心 x 經典香港品牌聯乘產品､香港有禮:⁠香港經典老字號的精選產品,龍點心堂食完,再喺龍記有禮買走🎉可享9折優惠 🫖茶底嚟自香港60年老品牌【華茶館】,多款精選茶葉俾食客揀,堂食有得飲,飲過好飲又可以買走 🔸龍點心吉品鮑魚撈麵 $122 麵條選用咗元朗｢好到底｣蝦籽麵,依款麵條始創於1946年,係香港第一個蝦子麵;吉品鮑魚選用咗近百年歷史｢榮珍海味｣,再配以阿一鮑魚徒弟梁誠威師傅秘製既真鮑魚汁,用咗鮑魚､老鷄,肉排,頂級火腿等多款上等食材熬製三天先可以出爐,味道好正;上湯就係選用始創1938年既大澳益昌大地魚粉調配而成,好鮮味,一款食品加埋有250年歷史😱 🔸龍點心 - 龍記六寶 $62 六款燒賣有星加坡黑胡椒蟹燒賣､香辣雞軟骨燒賣､黑松露珍香燒賣､冬蔭功泰辣燒賣､十年陳皮牛肉燒賣､蜆蚧魚肉燒賣,全部都係特別款,集合亞洲風味,每啖都係彈牙又特別,想食得過癮就必叫依款 🔸⁠⁠龍點心 - 懷舊燒賣 $35 懷舊燒賣當然有唔少支持者,足料彈牙,食過好食,仲可以買埋返屋企食㖭 🔸龍餃子 $44 龍餃子有荀尖蝦餃皇､酸菜魚鳳眼餃､松露野菌晶瑩餃､蟹粉菠菜香蝦餃,又係特色餃子,除咗口味特色,連個賣相都好特別,外皮仲要煙煙韌韌,味道唔錯 🔸脆脆富貴紅米腸 $46 呢款腸粉係即拉腸粉,用咗紅色腸粉皮夠晒特別,入邊炸得好香脆,面頭仲要配咗沙律醬,食完都唔油膩 🔸大澳蝦醬鮮魷卷 $51 用咗香港大澳特產-益昌號既蝦醬,配埋鮮魷魚去炸,炸得酥脆仲勁重蝦醬味,名副其實嘅香港特色味道 📍龍點心銅鑼灣波斯富街24-30號寶漢大廈2樓 #circle_life #circle_foodie #香港美食 #香港美食推介 #香港美食分享 #銅鑼灣 #銅鑼灣美食 #龍點心 #懷舊點心 #懷舊燒賣 #龍記有禮 #香港有禮 #香港製造 #香港老字號 #特色燒賣 #新派點心 #主子請慢用 #我想食buffet #我想同您試飲蘋果玉桂蜂蜜酒 #我係咖啡達人 ...更多