#沖繩深度遊の1 #老少咸宜 #沖縄東村國頭村一天遊

#沖繩深度遊の1 #老少咸宜 #沖縄東村國頭村一天遊 #2日一夜行程 #咖啡園早餐第一站 東村同埋國頭村位於沖繩最東部位置，通常好少遊客去，一來位置偏遠，如果喺機場出發都差唔多要2個鐘頭，二來唔太多人介紹，所以大家都唔係好知有咩玩。 如果你已經嚟過沖繩幾次，想搵啲新嘢玩吓，呢篇嘅文章就啱晒你睇啦。事關東村都有好多嘢玩㗎，夾啱時間仲可以喺上面住一晚，一連幾篇逐個景點介紹，大家記得留意我哋嘅文章，follow及like我哋嘅文章，支持吓啦！ 我哋本身住喺中部，所以中部出發上去東村大概一個幾鐘，第一站我哋去咗食早餐先😆😆 早餐地點並唔係普通餐廳咁簡單，佢係一個咖啡園☕️，除咗可以去食早餐之外，仲可以入去裏面參觀，不過參觀咖啡園需要加收500円一位。 如果你對咖啡好有興趣，仲可以預約採摘咖啡豆烘焙課程體驗，園內仲可以camping，不過因為我淨係食早餐，所以我就未入去裏面參觀，如果大家有興趣可以再去佢哋嘅網站睇睇。 食早餐嘅選擇唔算多，熱狗同埋飛碟，同埋竟然有咖喱飯🤣🤣，不過都係杯咖啡比較吸引。 可以click入嚟呢度預先睇到有啲咩食😋 🔗 http://bit.ly/3YSb7N7 除咗餐廳範圍仲可以行入去裏面少少嘅免費參觀區，都有好多打卡嘅位置，三月至五月份湖水藍色嘅禾雀花盛開，隻顏色真係好特別。 食飽飽，一於出發去下一個行程，つつじ祭り 東村杜鵑花祭典，成個山頭都係杜鵑花勁震撼，記得留意我哋下一篇文章😆 最近多咗好多人嚟沖繩旅行， 🌟如果有需要介紹民宿、租車、沖繩手作坊體驗、家庭照片發，歡迎查詢🔍 記得follow同like我哋個post留意最新 #沖繩親子旅遊資訊行程 歡迎大家加入group一齊分享沖繩嘅親子好去處👍🏻 https://www.facebook.com/groups/855061698865834/ 🔸🔸🔸🔸🔸🔸🔸 伸延閱讀 👶🏻👦🏻親子遊玩好去處👧🏻🧒🏻 🔸沖繩本地人才知道嘅秘密公園系列🔸 🔹三層樓高瀡滑梯 https://bit.ly/3Swy1rA 🔸沖繩那霸地區🔸 🔹沖繩第二個水族館值唔值得去 #DMM水族館 https://bit.ly/3MWXibT