二訪系列｜隱世高質法國菜

上年紀念日同老公嚟呢間餐廳體驗咗一餐高質嘅法國菜，今個聖誕趁有時間，再同老公嚟回味下❤️ 餐廳門面好低調，但打開敞門後，裡面有大吊燈同幾乎高到天花嘅酒吧枱，超級別緻 。店鋪位置唔多，最好提前預約📞 ❥ 波特酒釀葡萄🍇配法式鵝肝凍 鵝肝凍係膏狀，質地輕盈，完全冇油膩感，配上酒釀葡萄同水果，非常清新 ❥ 自家製蟹餅配檸檬忌廉汁 蟹餅脹卜卜，裡面除咗有蟹肉之外，仲有椰菜同蘿蔔絲等配料，配上檸檬忌廉汁幾開胃 ❥ 是日餐湯（南瓜湯） 南瓜味道醇厚，加咗忌廉都唔會覺得厚重 ，旁邊嘅蒜蓉包勁有誠意，鋪有滿滿嘅蒜蓉，麵包上面又有蒜粒，睇到餐廳嘅心思 ❥ 法式龍蝦湯(+$40) 強烈推介大家一定要試，龍蝦味好濃郁，裡面亦有唔少龍蝦肉，非常足料 ❥ 美國安格斯肉眼扒(+$80) 肉眼扒牛味好重，有豐富肉汁，而且份量好多，二人share 食都好滿足 旁邊有南瓜蓉、紫薯蓉同薯蓉，幾特別 另外刀具輕巧而鋒利，食得更加開心，又睇到餐廳心思🥳 ❥ 法式香料烤龍蝦尾海鮮洋薏米飯(+$80) 薏米飯粒粒分明，好有口感，帶子同龍蝦嘅香味都帶到落飯粒裡面，夾雜蘿蔔粒、洋蔥粒增加口感同水份 龍蝦同帶子醃得好有惹味，龍蝦肉質札實，口感爽彈，帶子口感飽滿 ❥ 日本和牛魚子醬多士 每件多士都以金箔同食用花裝飾，非常精緻 日本和牛口感軟嫩，咬落有肉汁滲出，配上香濃嘅魚子醬，提升整體鹹香 ❥ 巴馬臣芝士黑松露薯條 享受Double黑松露，薯條除咗薯條沾滿新鮮黑松露之外，旁邊仲有黑松露醬，入口更加香濃  薯條非常香脆，感覺帶少許油膩感，但上面嘅芝士又中和咗種油膩感，而且份量多到食極都唔完😂  ❥ Tiramisu 質感好柔軟，上面鋪滿可可粉，主打係Mascarpone Cheese味道，咖啡酒味道較淡，有少少遜色 ❥ Mocha 好耐冇飲過Mocha，呢杯味道嘅朱古力味唔會好甜，後勁帶可可粉同咖啡嘅回甘，個人覺得味道較latte更豐富 ❥ Latte  味道柔和，奶味偏重，有淡淡咖啡甘味 Set lunch每位$338，薯條($138)同和牛魚子醬多士($318)係另外加配，希望燒到大家🤣 📍L'AMOUR (太和) 太和大埔太和路15號太和中心地下38號舖 #香港 #美食 #大埔 #hongkong #隱世 #香港好去處 #香港美食 #foodhk #週末好去處 #hkblogger #foodblogger #foodlover #hkfood #hkfoodie #hongkonger #大埔美食 #hkfoodblogger #高質 #食好西 #hkfoodieblogger #foodiehk #hongkongfood #隱世餐廳 #美食攝影 #hkfoodlover #hk #hkfoodiegirl #foodinstagram #高質隱世餐廳 (此文章由U Blog 同步發佈至社群)