愛祖國用國貨

所謂愛祖國用國貨雖然英國係小弟嘅祖國，但作為一個新移民梗係要支持吓本地國貨，盡量買MIA產品帶動本地經濟。 時裝手袋篇 以下品牌當然唔可以同橙色盒嗰啲殿堂級品牌相比，但唔係吓吓出街都要攞個十幾萬蚊嘅袋㗎嘛，低調啲好！澳洲好多品牌都做好天然分解嘅服飾，我呢啲環保L最適合: * Sass & Bide - 算比較耐嘅品牌 * Oroton - 八十五年品牌。見過英國Selfridges 都有得賣 * State of Escape - 其實喺香港同埋喺澳洲都見到好多人用呢個品牌嘅手袋。小弟鍾意用呢個本地做嘅奶粉袋。第一次認識都係喺Selfridges 同連x佛見到。 * Bassike - 95% 產品MIA * Prene Bags - 可以機洗嘅手袋 * P.E Nation * Christopher Esber  * Aje  護膚品篇 雖然護膚品法國品牌會係好啲，但係以愛祖國用國貨嘅原則，我都會鼎力支持： * Jurlique - 初中已經用呢個品牌，以前九十年代尾只有Joyce beauty 有得賣，相信冇人唔識啩⋯⋯喺澳洲Jurlique spa做facial係平過香港少少㗎。 * Aesop - 行開商場嘅香港人冇理由唔識囉。以前每一次去澳洲都會入吓貨。 * Kora Organics - 澳洲名模Miranda Kerr創立品牌。未試過，會試吓 好多年前會喺Nourished life 網頁買有機eco cert嘅護膚產品，有澳洲甚至海外品牌都可以搵到。話說幾年前因為Natalie Portman嘅明星效應，想買一支大肚搽嘅抗stretch mark油。香港連x佛有晒大部份呢個品牌嘅產品，但就係冇嗰支咁出名嘅油。所以我就上咗去呢個網頁郵購寄返香港。 葡萄酒篇 澳洲係唔可以好似去英國咁喺條街上面飲酒㗎。睇嚟去到都係要戒酒⋯要同Bordeaux St Julien 講再見👋🏻 * Penfolds Grange - 成日聽啲朋友飲，又或者佢腦細醉咗之後開咗嚟請同事飲。但小弟冇錢買😔 #澳洲本地品牌 (此文章由U Blog 同步發佈至社群)