拉絲Pizza 勁邪惡 食埋Mussels 無咁覺

上次食完呢間之後真係念念不忘，今次經過尖沙咀，見到佢新開張試業，又走入去試吓，今次就試咗以下嘅菜式啦 🍗半半炸雞 （芝士味 + 蜂蜜牛油）$223 小編真係要不厭其煩咁再講多次，炸雞真係超正！！外脆內熱，雞肉鮮嫩多汁，而且外層既味粉超正！今次試咗芝士味同埋再encore蜂蜜牛油味，真係冇得彈！芝士味香濃少甜，蜂蜜牛油更加惹味到講不出聲 🍕韓國烤肉芝加哥Bulgogi $223 今次呢個Pizza都幾有水準，pizza用咗韓式烤肉做配料，其他地方都好少見，烤肉唔算好多，但係味道幾好。加埋Pizza有啲芝心有啲拉絲嘅感覺，都幾值得推介 🦪Maru 秘製青口鍋 青口鍋以海鮮來講其實唔算特別，青口鍋都算新鮮，加埋佢個秘製醬料算係幾惹味，有少少辣同埋香濃既洋蔥嘅甜味，份量都算唔少。小編就覺得呢個小食嚟講算幾唔錯，有機會都會再叫嘅😆 P.S. 今次呢間新店喺尖沙咀海港城，靠窗邊有啲望海景嘅卡位，睇下海景真係幾開揚㗎。不過小編今次嚟嘅時候就比較人多，安排唔到坐海景位，希望下次有機會食埋個海景啦 Pizza Maru (海港城) 📍 尖沙咀廣東道3-27號海港城海運大廈LCX 3樓 #foodiehkcouple尖沙咀 #foodiehkcouple韓式 #KTfoodie #hkfoodie#hkfoodies#foodiehk#foodhk#hkfood#hkfoods#hkfoodblogger#hongkongfoodies#hongkongfoodie#hkfoodlover #hongkongfood #foodiehk #香港美食#香港好去處#香港小店#週末好去處#夏日打卡日常#情侶好去處#香港美食指南#香港美食日記#香港美食#尖沙咀餐廳#尖沙咀好去處#尖沙咀美食#韓式餐廳 #甜蜜負荷#韓式西餐#PizzaMaru