伊利沙伯醫院生仔下集:
本身胎盤低嘅我已經冇得揀,雖然喺最尾禮拜個胎盤升返少少,距離宮頸口大概1.05cm,但同順產要求嘅2.0cm 以上仲有一段距離,而我已經等唔到!一穿水入院嘅第二日其實醫生已經安排我下個星期開刀手術!
我已經抱住一個開刀嘅心態!你問我驚唔驚?其實都擔心,因為佢話半身麻醉,但係我知冇得驚!同嗰一刻淨係諗要保住阿B多一個禮拜,即係34週!
開刀前一晚,我有啲瞓唔着嘅,因為會諗開刀係咪會好痛,同埋知道自己之後會有一條疤痕!
佢開到之前醫生會再前一日照多次超聲波,睇吓BB同胎盤嘅位置,同羊水情況!
本身我有少少貧血,9.6左右,但正常係11.8!所以醫生叫我鐵水,但我發現原來我唔適合,因為1.5個人已經好熱同個心好似呼吸唔到,吊左1分鐘都冇影停低,同我吸咗2公升嘅氧氣!
雖然醫生最後冇揀到輸血,但佢都預備有四包嘅XL血俾我手術!
手術前一日嘅夜晚12:00係會禁飲水食嘢嘅,同埋佢會幫你喺手術嘅位置剃毛毛,到第二朝早上手術前一個鐘,佢會叫脫咗全新嘅杉換上紫色嘅手術袍,有頭套同襪,因為做手術,所以佢會幫你插尿喉,果一下都係會有啲痛!
跟住我被推去D4手術室,入手術室前,佢會比一杯中和胃酸液俾你飲,係超難飲!跟住你就會被推入手術室!
手術室嘅設備非常先進,同電視劇入邊嘅好唔同!
冇幾耐麻醉師走入嚟打麻醉針,你要做嘅嘢就係捲曲蝦米,因為佢會喺你尾龍骨上嘅位置打上麻醉,兩三分鐘之後,下身已經會冇咩知覺,手術期間我哋會用藍色布遮掩,手術過程呢唔會見到,但你會feel到醫生郁緊你嘅肚!
半身麻醉對BB嘅好處係麻醉藥唔會落到去BB嗰度!
同埋你可以聽到BB嘅喊聲!
其實倒數下手術,我有啲暈暈地,因為我胎盤低,所以失血比較多,不過幸好都唔需要輸🩸,正常係會流失200-300 CC嘅血,但今次手術我係冇咗650c!
手術非常順利,做完手術之後你會被搬去手術後觀察室一個鐘,冇乜嘢就會推翻出去產後病房休息!
手術後麻醉科醫生會處方Panadol,但如果你好怕痛,你可以要求佢哋開一隻V仔止痛藥,佢哋會開埋胃藥俾你,因為呢隻會傷胃!但你只要食咗呢隻,再加兩粒Panadol,效果係嗰個痛係真係冇咁痛,同埋你係會接受到嘅!
呢一個都係依度嘅產前護士教我,因為佢以前自己都係好怕痛,同咁樣食嘅!
呢度嘅醫護人員都非常之好,無論係姐姐護士定係醫生,佢哋都會好關心你!
但係呢度要種豆,最好搵返抽血員,因為醫生雖然有牌,但唔係咁熟手!
少少貼士:如果你想條疤痕埋得靚嘅話,開刀之後千祈唔好食補品,尤其是花膠海參豬腳雞腳一啲嘅骨膠原比較多嘅食物!豬腳薑都暫時唔食得㗎!魚湯只可以飲石崇魚湯,不過都最好兩個禮拜後!
點樣可以上到私家房,後續請留意下回!
IG: https://instagram.com/aleishayanheidi?igshid=YmMyMTA2M2Y=
#UCreatorHK #育兒心得 #hkblogger #生仔紀錄 #生仔 #懷孕媽媽 #新手媽媽 #開刀生仔 #順產 #嬰兒成長日記 #momentswithucreator #aleishayanheidi #mamablogger #mamakol
感謝分享🙌🏻已關注你,希望你都關注返我呀,謝謝🥰